![Volunteers from the organization of the Bulgarian Red Cross participate in training with a fire service. They help provide first aid to people after an earthquake and fire](https://www.bondia.com/wp-content/uploads/2023/12/Cruz-Cora-a-ser-recluta-pa-yuda-cu-recepcion-di-buscado-di-asilo-na-Ter-Apel_result-696x447.jpg)
(NLTimes)—Cruz Cora a ser recluta pa sostene e recepcion di buscadonan di asilo na Ter Apel. E organisacion di ayudo lo provee ekipahe basico riba e terenonan di Immigratie- en Naturalisatiedienst (IND), segun a reporta. Debi na e gruponan grandi na e Centraal Orgaan opvang asielzoekers (COA), buscadonan di asilo mester warda den cambernan di warda na IND pa casi dos luna, tin biaha riba stoel y riba vloer.
Na e peticion di e organisacion di refugiado Vluchtelingenwerk Nederland y bao e direccion di COA, Cruz Cora lo pone tent pa baña den e centro di aplicacion di IND. Tambe e lo provee clechi, corchon y hygiene kits extra, como tambe facilidadnan pa baña pa hende uza den e cambernan di warda. Boluntarionan lo yuda distribui e cosnan aki, entre otro.
E esfuersonan di Cruz Cora ta necesario pasobra e cambernan di warda di IND a ser uza pa acomoda buscadonan di asilo tur anochi pa casi dos luna. Algun hende ta pasa varios nochi tras di otro drumi riba stoel of riba vloer,” segun IND. “Hasta den dia ta necesario pa uza e cambernan di warda pa recepcion. E cambernan aki no ta adecua pa recepcion largo, cual awo ta e caso.”
E director general di IND, Rhosia Maas, a describi e situacion como preocupante. “Debi na e falta di luganan di recepcion, henter e cadena di asilo ta yena. E personal na Ter Apel ta haciendo loke nan por pa provee hende cu necesidad basico manera shelter, cuminda y higiena basico. Pero nos cambernan di warda no ta adecua pa recepcion y nos organisacion no ta ekipa pa esaki.” Maas a bisa cu ta gradici na Cruz Cora pa nan ayudo. “Pero esaki no ta un solucion sostenibel. IND ta responsabel pa e procedura di aplicacion na Ter Apel y e procedura di asilo. luganan di recepcion adicional mester ser haci disponibel lihe pa asina esaki no para.”
Segun Vluchtelingenwerk Nederland, cosnan no ta bayendo bon na Ter Apel pa varios siman caba. “Pero e siman aki nos a crusa e liña atrobe. Debi na e falta di cama, decenas di buscado di asilo a drumi riba stoel di plastic y riba vloer den e cambernan siman pasa, sin e oportunidad pa baña.”
E organisacion un bes mas ta apelando na municipionan y politiconan pa crea mas acomodacion. “Esaki ta sumamente importante cu nos como sociedad tuma responsabilidad hunto y ofrece e hendenan aki condicionnan sigur y humano den cual nan por recupera for di nan biahe largo. E solucion mester bin for di politiconan.”