E linea crucero Pullmantur cu ta forma parti di e grupo di Royal Caribbean Cruises Ltd. (RCCL) lo reduci e cantidad di bishitanan di e barco Monarch den su itinerario di Sur di Caribe. Esaki Aruba Tourism Authority (ATA) ta informa.
“E cambio menciona ta afecta tur e destinonan den e itinerario manera Panama, Cartagena, Corsou y tambe Aruba. Esaki lo ta entre e fechanan di 1 di juni 2016 te cu 28 di september 2016 y ta representa aproximadamente 36,000 pasahero. Originalmente e linea crucero Pullmantur lo a bishita nos isla cu 58 ‘calls’ cual awo a bira 40 ‘calls’, un reduccion di 18 calls en total.”
Segun ATA, Monarch awo a wordo re-dirigi pa opera den e region Baltico pa zomer 2016. Esaki ta un mercado importante pa e compania Spaño Pullmantur cu antes tabata wordo cubri pa e crucero Empress. Manera ta conoci, Pullmantur ta un compañía Spaño, pues e compania ta sigura cu e base di su operacionnan eynan ta sigura.
