Un crucero nabegando cu 1300 pasahero abordo a haye den problema na e costa di Noruega na momento cu motornan a cay afo. Pasaheronan a ser aborta cu ayudo di helicopter y otro barconan.
Segun medionan Noruego ta raporta, e crucero Sky, construi na 2017 y nabegando bou bandera di Noruega, di e compania Viking a haye inesperadamente den problema na momento cu motornan a stop di funcciona. Pa motibo di biento fuerte, e barco tabata ser pusha den direccion di e costa. Consecuentemente nan a bati alarma y a ekipo maritimo di rescate a drenta accion di biaha.
Despues di basta rato a logra di start un di e motornan, logrando asina pa benta e anker mas o menos 2 kilometer leu di e costa. No ta conoci cuanto ora e lo tuma pa evacua tur e pasaheronan ni tampoco kico ta e pasonan cu lo sigui despues di esaki.
