Peña Nieto por a aplica e Ley General di Poblacion y otro disposicion na mas di un miyon di Mericano cu ta residencia na Mexico, pero cu den gran mayoria no tin e papelnan corespondiente. Esey no a sucede, en todo caso no te na e momento aki. Hopi hende a anticipa un contesta mas contundente di e presidente Mexicano, cu ainda no a mira luz. Mientras cu e residentenan Mericano aki no tin culpa di e situacion, pero e dreamernan tampoco. Di e manera aki gobierno Mexicano a laga su hendenan na caya, al menos, esey ta sentimento di un parti importante di e pueblo.
E cancelacion di e programa DACA di parti di presidente Trump tin consecuencia serio pa hende indefenso na Merca. Lo mester studia, analisa y denuncia esaki repetidamente. Tambe ta reina e critica interno na Mexico, unda tur e promesanan di e gobierno di Peña Nieto di ocho luna pasa tocante e negociacion integral a bin abao.
E suspension di e programa ta afecta como 680,000 Mexicano na Merca, cu a mira nan situacion migratorio y laboral legalisa desde 2012 pa un orden ehecutivo di Obama, sin duda di manera provisional y precario.
E situacion na Merca ainda ta confuso. Ta conoci cu e programa ta bay desaparece dentro di seis luna cu e renobacionnan cu presenta durante e luna proximo, y den teoria pa dos aña, lo wordo respeta. Y cu e servicionan di inmigracion di gobierno Mericano no lo duna prioridad na persigui e dreamernan.
No ta conoci si e informacion cu nan ta entrega ora di presenta nan solicitud, y cu ta inclui nan adres, trabao y fecha cu nan a yega Merca, lo ser comparti pa e agencia cu otro agencia dentro di Homeland Security pa haya nan y deporta nan. En principio nan lo no ofrece nan, pero nan por entrega nan riba peticion.
Tampoco ta conoci exactamente kico ta bay ta e situacion huridico laboral di e dreamernan, cu ya tin un permiso vigente, o cu por haya uno ainda, danki na un renobacion durante e prome luna aki y cu ta dura dos aña.
