(Infobae) – Un di e detayenan cu mas a hala atencion di e caso di e submersibel Titan, cual a perde den oceano durante un biahe rumbo pa e restonan di Titanic, ta cu pa maneha e submersibel aki tabata usa loke ta yama “controller” pa videogames di Logitech, e empresa cual despues di e revelacion aki a cuminsa ricibi hopi critica y a experiencia un caida den su accionnan.
Via Amazon, un di e comercionan digital unda e controllernan aki ta na benta, a publica varios comentario sarcastico haciendo referencia na e situacion unda 5 persona a fayece, incluyendo e CEO di OceanGate, e empresa encarga di e biahe en cuestion.
“No usa e controller aki pa maneha un submarino. Gran eror,” “E controller aki a hundi mi submarino,” “Busca otro luga pa bo necesidadnan di submarino,” “Perfecto pa controla mi submersibel. Mi gusta busca solucion economico pa mi problemanan,” tabata algun di e comentarionan cu a laga cu e puntuacion di un of dos strea pa e controller en cuestion.
E dispositivo cu a utilisa den e Titan ta un Logitech F710, unno cu a ser crea den aña 2005 y cu awo ta na benta pa mas o menos 0 pa 50 dollar den tiendanan digital. Ademas di e criticanan sarcastico aki, e empresa doño di e controller aki a experiencia un caida di 3.4% den su accionnan ora cu e noticia a keda publica.
Aunke e hipotesis principal ta splica lo sucedido cu Titan ta un implosion, te ainda no a defini oficialmente e factornan cu a causa esaki, sinembargo e compania tabatin confiansa pleno den e controller di Logitech. “Nos a adapta tur cos cu un enfoke y diseño nobo. Tur cos ta controla cu e controller aki. Si bo kier bay dilanti, bo ta primi dilanti y si bo kier bay patras, bo ta primi patras,” Rush a conta CBC den un entrevista cu a haci varios luna atras.
Durante e entrevista aki el a mustra con ta usa e controller aki y te hasta a tire riba vloer pa mustra con resistente e ta, cual nan a considera apropia pa maneha e submersibel. “E ta sumamente duradero y semper nos ta mantene un par di back-up cu nos,’ e CEO a comenta.
