Recogemento di sushi na Hulanda ta bou peliger pa via di problemanan financiero y tecnico severo cerca procesado di sushi AEB.
Asina Asociacion di Companianan di Desperdicio ta skirbi pa Amsterdam, cual ta e doño di AEB. Dos siman atras AEB a para 4 di e 6 incineradornan. Awo cu desperdicio no por sigui bay AEB, ta core peliger cu e desperdicio lo por yega na un dump, cual ta contra maneho di gobierno. Ta posibel cu otro companianan lo por resolve e problema, pero AEB lo mester paga. Y mirando cu AEB mes no tin placa, e doño, esta gemeente Amsterdam, lo mester saca cartera.
Lo por dura 9 luna prome cu e incineradornan por cuminsa traha bek, segun AEB. Ademas cu 2 incinerador en bes di 6, AEB no lo por procesa mayoria sushi. Si AEB bay failliet, e problema di procesamento di sushi lo por bay fuera di control. Por ehempel 25 mil viviendanan na Amsterdam lo por perde nan verwarming. Municipio Amsterdam no kier reacciona ainda riba e carta.
