E crisis den area di salud cu tin na Venezuela actualmente ta otro señal di e crisis economico cu e pais ta aden. Segun fuente CNN, den un entrevista cu un meneer cu a drenta e hospital recientemente a causa di un herida di bala, e tiro ta e problema cu menos e ta preocupa cu ne, sinembargo a resulta otro. Jose Luis Vasquez a wordo tira den su pecho y a sobrevivi un atraco arma. Despues cu el a wordo hiba hospital y a haya noticia cu e no tin daño na ningun organo etc. El a kere cu su pesadia a caba. Sinembargo algun dia despues ainda e ta den un camber humedo drumi cu un tubo sacando awa for di su pulmon, traha cu un boter di awa di un galon. Y tur articulo necesario pa su cuido manera hangua y gaasje, e mes mester a cumpra. Tur esaki tumando luga na un hospital grandi en Valencia. El a menciona algun cos cu a salie 3000 bolivares caba, cual ta 30% di e salario minimo na Venezuela.
