Crisis di opioide ta birando algo mas scur

(newser) – E epidemia di opioide a bira un bataya hopi dificil cu e aumento di fentanyl riba caya, pero expertonan na Merca ta mirando un tendencia mas preocupante ainda. The New York Times ta reporta cu hende cu ta adicto na droga mas probablemente ta usa varios substancia awo, combinando un cocktail di ‘uppers’ (estimulante) y ‘downers’ (trankilisante) cu oficialnan di salud ta haya dificultad pa trata.

Centro di Control di Malesa Mericano (CDC) ta referi na e fenomeno aki como “uso di polysubstancia”, y esaki a bira e caso pa alrededor di 70-80% di hende adicto na opioide.

“Ya e no ta un epidemia di opioide mas,” Dr. Cara Poland, un profesor asocia na Universidad Estatal di Michigan, a bisa e corant. “Esaki ta un crisis di adiccion.”

Estimulantenan nobo cu ta mescla cu opioide ta inclui e trankilisante di bestia xylazine, remedinan anti-ansiedad manera Valium, Xanax y Klonopin, y pildonan di contrabanda cu ta contamina cu fentanyl.

Experto di medicina di adiccion, Dr. Paul Trowbridge a bisa e corant cu traficantenan di droga “slordig” ta contamina nan suministro cu fentanyl, of intencionalmente ta agrega esaki na otro droga pa asina nan clientenan bira adicto. “E ta completamente impredecible kico hende ta cumprando, loke ta hacie asina peligroso pa nan,” Trowbridge a bisa. “E ta un campo di morto eyfo.”

Y mientras fentanyl hopi biaha ta domina titularnan den medionan di comunicacion, methamphetamine tambe a haci un comeback keto bay desde cu su productornan a cuminsa fabrica un droga mas potente, segun Texas Tribune. “Meth ta yegando na tur persona. Fatalidadnan pa meth ta hopi mas halto, hasta si bo mira e cifranan di Texas.”

Strategianan cu ta funciona pa trata adiccion na opioide ta casi hasta bira inutil unabes cu ta introduci stimulantenan manera meth den e mix. “Pa haya e momento unda un persona ta bisa cu nan ta cla pa tratamento ya ta dificil den tur adiccion, pero meth ta haciendo esaki hopi mas dificil ainda,” un trahador di reduccion di daño a bisa The New York Times.

Na e momentonan aki ta detectando stimulantenan den 42% di sobredosis a causa di opioide. The New York Times a nota cu mientras ta hincando un gran cantidad di placa den tratamento pa adiccion di opioide, politiconan mester catch up riba e problema mas nobo di uso di varios droga.