Tabata tin un reunion den un ciudad na Hulanda cu tabata discutiendo si ta habri un center pa e refugionan buscando un luga di keda. E reunion na Geldermalsen a wordo termina pa motibo di protestadornan cu a cuminsa tira heki abou y klapchi riba e polis nan cu tabata na e sitio. Polis a responde cu tiro den laira como “warning”. Hopi pais Europeo ta encontrando cu hopi di e refugionan cu a drenta Europa via Grecia y Turkiya. E secretaria Hulandes di Seguridad y Husticia Klaas Dijkhoff a bisa cu e protestadornan a cruza un linia cu nan actonan. “Buscando un luga di seguridad pa e refugionan ta lansa preguntanan dificil pa nos pais pero tin un limite con pa expresa bo opinion”, el a bisa riba television Hulandes. “E linia ta wordo cruza ora cu bo drenta gritando y tirando cos rond. Esey no ta apropia den un discusion y nos por mira cu el a bay hopi miho den otro luganan. Kiermen esaki no ta ok.”
E crisis di migracion na Europa ta un topico cu lo domina den un reunion cu lo tin diahuebs awor, caminda cu tur lidernan di EU lo ta presente.
Photo: AFP
Source: BBC
