(AP) – Un criatura di lama di 215 centimeter cu a ser haya na costa di California a keda identifica como un ‘hoodwinker sunfish’, un especie poco comun recientemente identifica cu a pensa cu ta biba den e hemisferio sur.
University of California, Santa Barbara, a bisa cu un stagiaire a mira e pisca na Sands Beach di den e universidad su Coal Oil Point Reserve. E stagiaire a alerta Jessica Nielsen, un specialista di conservacion na Coal Oil Point ken inicialmente a pensa cu e ta un tipo di sunfish local y a publica e potretnan na e reserva su pagina di Facebook.
Esaki a hala atencion di Thomas turner, un profesor asocia den ecologia di UCSB, evolucion y e departamento di biologia marino cu a examina e pisca y a publica e potretnan na iNaturalist, un comunidad online.
Esaki a haya atencion di Marianne Nyegaard di Murdoch University na Australia, ken a identifica e especie den na 2017 y formalmente a nombra esaki como Mola Tecta, pero a dun’e e nomber ‘hoodwinker’ pa motibo cu di algun manera el a scapa reconocemento cientifico.
Nyegaard a conta UCSB den un e-mail cu el a trata e imagennan cu Ralph Foster di South Australian Museum pero tabatin duda si identifica e pisca como un hoodwinker pa motibo cu e potretnan no tabata claramente mustra su caracteristicanan y pa motibo cu el a ser haya asina leu di su rango conoci.
Nyegaard a manda instruccionnan specifico na California tocante ki pa fotografia y ki muestranan mester tuma di e pisca. Turner y Nielsen tabata contento di yuda pero prome nan mester a haya e pisca, cual e nivelnan di lama a move segun UCSB.
Nan a cana di punta pa punta di e lama y a haya e pisca algun yarda leu for di su posicion original. Nyegaard a bisa cu el a ricibi un gran cantidad di potretnan cla y “no tabatin duda di e identidad.”
Sunfish ta raro, plat y ta mustra manera nan tin hala chikito.
