Crecemento record di mas cu 20% compara cu aña pasa

Diasabra awor dia 30 di juli lo despedi di studiantenan biahando pa Hulanda pa sigui nan estudio. Minister di Enseñansa, Michelle Hooyboer-Winklaar, a anuncia cu e aña aki 289 studiante a scoge pa sigui nan estudio avansa na Hulanda. Di e 289 studiantenan aki, 210 lo biaha hunto diasabra awor. Den comparacion cu e aña anterior cu tabatin un cantidad di 237 studiante, por nota un crecemento considerabel di 21.9%  den e cantidad di studiantenan cu a scoge Hulanda. De cuadro di esaki, Minister di Enseñansa, Michelle Hooyboer-Winklaar, ta desea tur nos studiantenan exito cu cada meta cu nan pone nan dilanti. “Cu perseverancia por ta e ingrediente principal cu lo guia cada un di boso pasonan den e proceso pa yega na boso meta, cordando semper cu educacion ta e yabi pa cada porta den futuro. Nos ta orguyoso di boso, hopi exito!”