(TheVerge) – 2021 ta na caminda pa kibra e record global pa crecemento den energia renobable, segun Agencia Internacional di Energia den su reporte riba mercado mas recien. Esaki a pesar di aumento den prijs di comodidad, cu por afecta e transicion na energia limpi den futuro.
Cu 290 GW den capacidad adicional spera pa keda comisiona pa fin di aña, 2021 ta bay kibra e record pa crecemento den electricidad renobable cu a pone aña pasa. E adicionnan di e aña aki hasta ta surpasa un pronostico cu e Agencia Internacional di Energia (IEA na Ingles) a haci den spring.
Energia solar a continua dominando na 2021, cu un aumento spera di casi 160 GW. El a conta pa mas cu mita di tur capacidad agrega di energia renobable e aña aki, un tendencia cu IEA ta kere ta bay continua durante proximo cinco aña. Energia renobable probablemente ta bay conta pa hasta 95 porciento di capacidad nobo di energia globalmente te cu 2026, segun e reporte nobo. IEA tambe ta pronostica crecemento explosivo pa capacidad di biento offshore, loke por mas cu triplica durante e mesun periodo di tempo.
Pa 2026, IEA ta bisa, e cantidad di capacidad di electricidad renobable globalmente probablemente ta bay ta ekivalente na e capacidad nuclear y di combustible fossiel combina. Esey ta un cambio enorme. Na 2020, energia renobable a conta pa apenas 29 porciento di generacion di electricidad globalmente.
Sinembargo, tin algun nubia scur den pronostico di IEA. Prijs halto pa comodidadnan, transporte y energia tur ta menasa e pronostico bunita pa energia renobable. E costo di polysilicon usa pa traha panel solar a mas cu cuadruplica desde comienso di 2020, segun IEA. Costo di inversion pa onshore farms solar y di biento a aumenta 25 porciento compara cu 2019. Esey por retrasa e finalisacion di proyectonan nobo di energia renobable cu ya a keda contrata.
Mas cu mita di e proyectonan solar na escala di utility ya planea pa 2022 por enfrenta retraso of cancelacion pa motibo di prijs mas halto pa material y envio, segun un analisis separa di Rystad Energy.
Si e prijs di comodidad keda halto durante proximo aña, por elimina tres te cinco aña di progreso den energia solar y di biento, den sentido di ta pagabel.
