En bista di e discusionnan encuanto desaroyo economico na Aruba, y e aparicion di estadisticonan elabora, deriva di e cifranan basico, cu no semper ta refleha e realidad, Bon Dia Aruba ta duna e cifranan fundamental manera publica pa Banco Central. Laga cada ken saca conclusion cu nan ta desea. Nos comentario ta den editorial di awe.
*: cifra preliminar 2016; **: proyeccion 2017 (Banco Central)
For di e tabel aki riba nos por destila e siguiente conclusionnan:
- Aña 2008 tabata e aña di mayor prestacion economico, tanto den termino nominal como real;
- Den e añanan despues e GDP nominal a mehora, cu excepcion di dos momento: 2012 y 2016. Esakinan tabata relaciona cu e ceramento di refineria na 2012 y e caida den yegada di turista Venezolano na 2016;
- GDP real a mehora algo den e periodo despues di 2008, pero no a recupera ainda na e nivel di e periodo 2005 – 2008, cu tabata continuamente riba Afl. 3500 miyon; desde 2013 practicamente GDP real a keda na mesun nivel di alrededor di Afl. 3300 miyon;
- Cu e proyeccion di crecemento economico na 2017 calcula pa Banco Central, ainda nos no ta yega, ni den termino nominal, ni den termino real, na e nivel di 2008.
