(AP) – Chat-GPT su creador ta buscando manera di combina su sistema di inteligencia artificial den curpa di robotnan cu ta semehante na ser humano cu e compania Figure.
E compania basa na Sunnyvale, California Figure a anuncia partnership diahuebs conhuntamente cu 627 miyon den fondo for di un grupo cu ta inclui e fundador di Amazon Jeff Bezos, ademas di Microsoft, creador di chip Nvidia y e agencia di fondo di Intel y OpenAi.
Figure tin menos di 2 aña y no tin un producto comercial pero ta buscando atrae sostenedornan influencial den e industria di tecnologia pa sostene su vision di hiba biyones di robot similar na ser humano na lugarnan di trabao y hogarnan rond di mundo. “Si nos por yega na robotnan cu por haci e trabao cu ser humano no kier haci pa motibo cu tin un falta di habilidad, nos por bende miyones y te hasta biyones di e robotnan aki,” CEO di Figure Brett Adcock a conta The Associated Press aña pasa.
Pa OpenAI, cual tin tempo trahando den investigacion di robot prome cu pone enfoke riba e modelonan di lenguahe cu ta podera ChatGPT, e partnership lo “habri posibilidadnan nobo pa con robotnan por yuda den bida diario,” Peter Welinder, e compania su vice presidente a skirbi den un declaracion skirbi.
Terminonan financiero di e trato entre Figure y OpenAI no a keda revela. E colaboracion lo tin un edificio di AI specialisa den modelonan di AI pa Figure su robotnan, cu probablemente lo ta basa riba OpenAI su tecnologia existente manera GPT su modelonan, e generador di imagen DALL-E y e generador di video nobo Sora. Esaki lo yuda “acelera Figure su tempo comercial” pa medio di permiti su robotnan “procesa y compronde” lenguahe segun Figure su anuncio. E compania a anuncia den januari di acuerdo cu BMW pa pone su robotnan den uso na plantanan di fabricacion den Spartanburg, South Carolina, pero te ainda no a determina con ni den ki tempo nan lo ser usa.
Expertonan di robot tin opinion diferente den con until e robotnan den forma di ser humano lo ta. Mayoria robot cu ta traha den fabrica y warehouse tin funcionnan manera un bestia, un man robotico, dedenan of te hasta pia, pero nan no ta completamente den forma di ser humano. Esaki ta parcialmente pa motibo cu a tuma decada pa ingenieronan di robot desaroya robotnan cu por cana efectivamente riba dos pia of confiablemente manipula obhetonan chikito.
OpenAI su CEO Sam Altman a duna pista na interes renoba den robotica den un podcast cu ta anfitriona pa Microsoft su co-fundador Bill Gates y a ser lansa anteriormente e aña aki den cual altman a bisa cu e compania a cuminsa cu inversion den plataformanan di hardware robotico despues di a bandona su propio investigacion. “Nos a cuminsa cu robot demasiado trempan y pa motibo aki nos mester a pone e proyecto den pausa,” Altman a comenta, agregando cu “nos tabata lidiando cu mal simuladornan” cu tabata distrae for di e compania su otro trabaonan.
“Nos a realisa cada biaha mas y mas cu loke nos tin mester den prome luga ta inteligencia y cognicion y despues nos por saca afo con pa adapta esaki y converti esaki den algo fisico,” el a splica.
