(AP) – OpenAI a bisa diaranson cu el a recauda 6.6 biyon dollar den inversion di capital di riesgo como parti di un cambio mas amplio di e creador di ChatGPT, alehando di su raiznan sin fines de lucro.
Lidera pa firma Thrive Capital, e ronda di financiamento a ricibi sosten di gigantenan di tecnologia Microsoft, Nvidia y SoftBank, segun un fuente familiar cu e financiamento cu no tabatin autorisacion pa papia tocante esaki publicamente.
E inversion ta representa un di e rondanan di recaudacion di fondo mas grandi den historia di Merca y ta posiciona su mes como esun mas grandi den e ultimo 17 aña cu no ta inclui placa biniendo for di un solo compania rico, segun PitchBook, cual ta monitor e inversionnan di capital di riesgo.
Microsoft a mehora OpenAI aña pasa cu un inversion di 10 biyon dollar a cambio di un parti mas grandi den e compania su crecemento den futuro, cual ta similar na un strategia cu gigante di tabaco Altria Group a haci den 2018 ora el a inverti 12.8 biyon dollar den e compania di vaping Juul.
OpenAI a bisa cu e financiamento nobo lo “permiti nos mehora nos liderazgo den e investigacion di AI, aumenta e capacidad di nos computer y sigui crea hermentnan cu lo yuda soluciona problemanan dificil.” E compania a bisa cu e financiamento ta duna e compania un balor den mercado di 157 biyon dollar y lo “acelera e proceso di nos mision.”
E fluho di placa ta bini mientras OpenAI ta buscando manera di completamente converti su mes den un corporacion pa genera ganashi pa cual shareholders ta responsabel.
Mientras cu OpenAI, basa na San Francisco ya caba tin un division pa genera ganash cu ta creciente, unda mayoria di su empleadonan ta traha, e ta controla pa un directiva di director cu ta opera sin fines di lucro, kendenan su mision ta di yuda humanidad pa medio di crea formanan futuristio di inteligencia artificial cu por haci tareanan miho cu ser humano na un manera safe.
Esaki ta pone cierto limite na con hopi ganashi e por genera y con hopi e shareholders ta ricibi a cambio di nan inversion den e poder di computer, chip di AI specialisa y cientificonan di computer cu e ta tuma pa genera herment di AI. Sinembargo e structura di gobernacion lo cambia si e directiva sigui cu e plan di converti su mes den un corporacion pa beneficio publico, cual ta un tipo di entidad corporativo cu mester yuda sociedad ademas di genera ganashi.
Conhuntamente cu Thrive Capital, e sostenedornan di e financiamento manera Khosla Ventures, Altimeter Capital, Fidelity Management y Research Company, MGX, Ark Invest y Tiger Global Management.
Microsoft a bisa den un declaracion breve diaranson cu e ta anticipa sigui su partnership cu OpenAI. Nvidia, un diseñador lider di e chipnan necesario pa crea y podera sistemanan di AI, a nenga duna comentario. E cantidad di cada inversion no a keda revela.
