Restonan humano haya na Croacia cu señal di deformacion craneal artifical ta e evidencia genetico mas antiguo di e presencia di hende for di Asia oriental den Europa.

E sitio tabata contene tres set di weso humano, como tambe skelet di bestia y potnan kibra. Trahadonan di un compania priva a haya e sitio na 2013, durante construccion di un caretera cerca di e pueblo di Osijek na oost Croacia.

E craneonan tabata intacto. Dos tabata mal forma. E craneonan tabata intacto. Dos tabata mal forma. E doño di e compania a bisa Dr. Mario Novak, arkeologo di Instituto pa Investigacion Antropologico cu tabata parce cu nan a haya un extraterestre.

Pero e craneonan mal forma – un tabatin e top plat, e otro tabata parce un webo – tabata mustra señal di deformacion artificial.

Practica durante 5,500 aña pa culturanan rond mundo, deformacion craneal artificial ta envolve mara e cabes cresciente di mucha cu tela, bloki, of palo. Mientras e craneo ta crece bou presion constante, e ta perde su forma, resultando den cabes oblongo of di otro forma inusual. Antropologonan a documenta e practica aki den tur continente habita, pero e no ta comun. Awendia e ta continua den apenas algun tribu remoto.

E craneonan haya cerca di Osijek tabata e prome cu deformacion craneal artificial haya na Croacia. Pa haya sa ken nan tabata, Novak y su coleganan a examina e wesonan, scan y reconstrui e craneonan, y a analisa nan DNA. Nan hallazgo, publica den PLoS One, ta sugeri cu entre siglo 5 y 6 AD, durante e periodo di migracion, hende di background cultural completamente diferente por a interactua mas di locual a pensa anteriormente. E estudio tambe ta duna e evidencia genetico mas antiguo di e presencia di hende di Asia oriental na Europa.

E analisis a revela cu e craneonan tabata pertenece na tres homber mal nutri, edad entre 14 y 16 aña, kende a biba entre 415 y 560 AD. No tabatin señal di un morto violento.

Test di DNA a revela cu esun cu top plat a bin di algun parti di Medio Oriente, nort Africa of Sur oriente Europeo. Esun forma di webo a pertenece na un persona di Asia oriental. E craneo sin altera probablemente tabata di ancestro west Eurasio. Nan gen tabata relativamente sin mescla, sugeriendo cu nan of nan mayornan a move for di e luganan aki.

Mientras no tabata suficiente informacion pa asigna e restonan nan un poblacion particular, e estudio a bisa cu ‘ta posibel e individuonan aki tabata Hun, Ostrogoth, of Gepid’.

Segun e investigadonan, con e adolescentenan aki a yega eynan hunto for di leu den un era den cual biahe tabata dificil ta un misterio, cu hopi sorpresa. Por ehempel, deformacion craneal artificial ta comun entre muhenan, y e cientificonan no por bisa pakico e craneonan ta pertenece na hombernan.

Ademas, e restonan tabata posiciona ‘sin orden’, pero tabata entre articulonan significativo, manera potnan y weso di bestia, como si nan a wordo dera deliberadamente. Santana tipico di e tempo ey ta contene hende di herencia similar, cerca di nan pueblo, pero esaki no tabata e caso.