CPI pa e periodo Juni 2023 – Juni 2024: Den ultimo aña, 55.4% di productonan den e canasta di consumo a conoce un aumento di prijs

Recientemente, CBS a publica informacion di Indice di Prijs di Consumo, CPI, pa e periodo di juni 2023 – juni 2024. Den esaki a destaca e dato cu den ultimo aña, mas cu mita di productonan den canasta di consumo nan prijs a aumenta.

Indice di Prijs di Consumo

Den e ultimo diesdos (12) luna, e CPI a aumenta cu 2.4%, unda shete (7) di e diesdos (12) sectornan a registra aumento di prijs. E aumentonan cu tabatin e mayor efecto riba e CPI a wordo registra pa e sectornan di “Comunicacion” (20.4%), “Vivienda” (2.8%), “Cuminda y bebida no-alcoholico” (2.6%), “Restaurant y hotel” (6.1%) y “Restante bienes y servicio” (2.2%) causando un efecto di respectivamente, 1.52, 0.71, 0.30, 0.29 y 0.26 ppt. E aumentonan den e restante sectornan a contribui cu un efecto di 0.24 ppt riba e CPI di Juni 2023 – Juni 2024.

E aumentonan aki a wordo contraresta parcialmente door di principalmente un caida den e indice di e sector di “Transporte” (-4.9%), cu a contribui cu un efecto di -0.70 ppt. E caidanan den e sectornan restante a contribui hunto cu un efecto di -0.25 ppt riba e CPI di Juni 2023 – Juni 2024.

E aumento den e sector di “Comunicacion” a wordo causa principalmente door di un aumento di 21.1% den e categoria “Servicio di telefon y fax”, causando un efecto di 1.50 ppt. E aumento den e sector di “Vivienda” a wordo causa principalmente door di un aumento di 11.6% den e categoria “Mantencion y reparacion di vivienda”, causando un efecto di 0.61 ppt. E aumento den e sector di “Cuminda y bebida no-alcoholico” a wordo causa principalmente door di un aumento den e categoria “Cuminda” (2.3%), causando un efecto di 0.24 ppt. E aumento den e sector di “Restaurant y hotel” a wordo causa principalmente door di un aumento den e categoria “Cuminda pafo di cas” (4.5%), causando un efecto di 0.22 ppt. E aumento den e sector di “Restante bienes y servicio” a wordo causa door di principalmente aumentonan den e categorianan “Otro articulonan personal” (15.0%) y “Cuido personal” (2.4%), causando un efecto di respectivamente 0.15 y 0.10. E caida den e sector di “Transporte” a wordo causa principalmente door di un caida di 15.3% den e categoria “Compra di vehiculo”, causando un efecto di -0.80 ppt.

Canasta di consumo

Den e ultimo aña cu a pasa 55.4% di productonan den e canasta di consumo di e CPI a conoce un aumento di prijs causando un efecto di 4.46 ppt, mientras cu 37.5% ta mustra un caida di prijs, cu a contribui cu un efecto di -2.08 ppt y pa e restante 7.1% no tabatin cambio den prijs.

E indice di “Bienes” (0.2%) a registra aumento, causando un efecto di 0.10 ppt, mientras cu e indice di “Servicionan” a registra un aumento di 5.6% y a causa un efecto di 2.28 ppt.

Bestaansminimum

Den e ultimo diesdos (12) lunanan e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un aumento di Afl. 137, di Afl. 5,336 na Juni 2023 pa Afl. 5,473 na Juni 2024. E aumento aki a wordo causa principalmente door di aumentonan den e sectornan di “Cuminda y bebida noalcoholico” (Afl. 58) y “Vivienda” (Afl. 44).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un aumento di US$ 9.77 (13.9%) di US$ 70.12 na Juni 2023 pa US$ 79.89 na Juni 2024. E indice di Energia a subi cu 0.3% den e ultimo aña y a causa un efecto di 0.05 ppt. E indicenan di “Gasolin” (0.7%) y “Diesel” (4.1%) a registra aumento, causando un efecto di respectivamente 0.03 y 0.01 ppt riba e CPI. E indicenan di “Electricidad” y “Awa” no a registra cambio.

E restante 404 bienes y servicio hunto, a conoce un aumento di 2.8% y tabatin hunto un efecto di 2.33 ppt.

Cambio di prijs di Cuminda y servicio di catering

Den e ultimo diesdos (12) lunanan e indice di “Cuminda & servicio di catering” a subi cu 3.2%. E indice di “Cuminda na cas” a conoce un aumento di 2.6%, unda nuebe (9) di e diesun (11) indicenan di e gruponan di “Cuminda na cas” a subi durante e periodo aki. E indice di “Sucu, jam y otro tipo di cos dushi” a conoce un aumento di 9.2%, e aumento mas grandi entre e gruponan di “Cuminda na cas”. Ademas otro aumentonan significante a wordo registra den e indicenan di “Bebida no-alcoholico” (4.7%), “Restante productonan pa alimentacion” (3.6%), “Lechi, keshi y webo” (3.6%) y “Fruta” (3.0%). E caida mas grandi durante e periodo aki a wordo registra den e indice di “Pisca y otro cuminda di lama” (-3.7%). E indice di “Cuminda pafo di cas” a registra un aumento di 4.5% den e ultimo diesdos (12) lunanan.