(AP) — Diaranson ultimo a legalisa marihuana medicinal na Costa Rica, na momento cu e presidente firmando un ley cu un dia anterior a pasa den Congreso.
E ley tambe ta legalisa e cultivo y produccion industrial di hennep. Uso recreacional di marihuana ta keda prohibi.
Presidente Carlos Alvarado anteriormente e aña aki a veto un intento anterior pa e legislacion en cuestion. Legisladornan a haci e cambionan solicita pa e presidente.
Alvarado a resalta cu e ley nobo ta bay avansa e derechonan na salud pa esnan cu tin mester di cannabis pa alivia e efectonan di nan malesa, y impulsa desaroyo economico den areanan rural unda ta bay cultiva hennep.
Alvarado a firma e ley den ultimo dianan di su administracion. Dos candidato presidencial, Jose Maria Figueres y Rodrigo Chaves awo ta bay competi den un eleccion dia 3 di april, y ambos a papia na fabor di legalisacion di uso recreacional di marihuana.
E ley ta similar den permiti uso medicinal na leynan adopta na otro paisnan den e region, incluyendo Argentina, Chile, Colombia, Ecuador, Mexico, Paraguay, Peru y Uruguay.
Uruguay tambe a legalisa uso recreacional.
