(AP) – Un abogado di Bill Cosby a pidi Corte Supremo di Merca riba dialuna pa rechasa un peticion di fiscalnan pa habri back su caso criminal tocante asalto sexual.
E actor y comediante di 84 aña di edad a ser laga den libertad desde juni, ora cu un corte di apelacion na Pennsylvania a anula su conviccion y a laga su persona den libertad for di prizon despues di casi 3 aña.
E estado su corte mas halto a haya cu Cosby tabata kere cu e tabatin un acuerdo cu ta libera su persona di cualkier conviccion cu un abogado anterior di districto ora cu el a duna un testimonio fuerte den e acusado su demanda na aña 2005. E testimonio aki a causa cu el a ser aresta den aña 2015.
Cosby su abogado Jennifer Bonjean a bisa e caso ta riba un set fini di echonan cu no ta interesa Corte Supremo.
Abogado di districto di Montgomery County, Pennsylvania Kevin Steele su intento di reviva e caso ta un gran desafio. Corte Supremo di Merca ta acepta menos di 1 porciento di e peticionnan cu nan ta ricibi. Por lo menos 4 di e 9 miembronan di e corte mester bay di acuerdo pa trata e caso.
E unico evidencia di un promesa unda cu ta bisa su persona cu no lo procesa su persona ta den un relato di prensa di aña 2005 di Bruce Castor, e abogado di districto di e tempo aki, ken a bisa e no tabatin suficiente evidencia pa aresta Cosby. Steele no ta kere cu esaki ta nifica un acuerdo di inmunidad.
Cosby a bira e prome celebridad acusa di asalto sexual den e era di #MeToo tempo cu e hurado den su hucio di aña 2018 a declara su persona culpabel di a droga y abusa di administrador di deporte Andrea Constand den aña 2004.
Studiantenan di ley y personanan cu ta boga pa victimanan lo ta mirando for di cerca si Corte Supremo lo ta interesa den e caso. Dos miembro di e corte, Clarence Thomas y Brett Kavanaugh a ser acusa di mal conducta sexual.
Cosby, un actor di gran popularidad a crea e programa popular “Cosby Show” den e añanan 1980. Un gran cantidad di acusacion di asalto sexual a destrui su imagen como e “tata di Merca” y a causa cu e mester a paga mas di miyones den danonan causa na por lo menos 8 hende muhe. Pero Constand su caso tabata e unico cu a yega na cargonan criminal.
