Despues cu a bira conoci e noticia tocante e situacion na Isla di Oro, caminda Fundacion Parke Nacional Aruba (FPNA) no a duna aprobacion na e compania desaroyado pa haci trabaonan den e area cu ta protegi pa ley, recientemente FPNA a entama un caso na corte caminda 15 di maart corte ta prohibi Aruba Ocean Villas pa cuminsa of traha na Isla di Oro, den cualkier forma, incluyendo trabaonan di limpiesa.

Den e sentencia, di cual Bon Dia Aruba ta dispone, ta indica cu Fundacion Parke Nacional Aruba a entama un caso contra Land Aruba y J.O.B Holding and Management h.o.d.n. Aruba Ocean Villas (AOV). Dia 14 di maart ultimo, FPNA a entama un caso sumario na unda nan a entrega un bezwaarschrift pa asina prohibi na AOV realisa cualkier trabao, incluyendo limpiesa, na Isla di Oro of rond di Isla di Oro.

Ademas, un multa di 250.000 florin pa dia si AOV no ta cumpli cu e sentencia.

E teritorio ta ubica di manera cu AOV no por realisa niun trabao, incluyendo trabaonan di limpiesa, prohibi na Land Aruba extension di derecho di herencia riba e propiedad di isla di oro cu ta caduca dia 14 di februari 2026, ademas un otro multa di 250.000 florin pa dia na Land Aruba si nan no ta cumpli cu e sentencia.

Igualmente, FPNA a solicita na corte di prome instancia pa aplica medidanan disciplinario mientras tabata na spera di e decision di e sentencia, den sentido cu corte, como medida disciplinario ta concede e solicitud menciona di stop e situacion.

Corte a scucha e partinan riba e medida di 15 di maart 2024, AOV a declara cu no tabatin ni un obhecion riba e medida disciplinario cu FPNA a solicita, segun AOV a para tur trabao na Isla di Oro.

Evaluacion

Na prome luga, ta afirma cu corte ta bay actua cu moderacion ora ta dicta un medida disciplinario riba un caso sumario, ya cu e medida aki ta tuma luga solamente den casonan special y extremadamente urgente, den cual: si tin menasa di dañonan ireversible (sin indemnisacion) y si por spera e resultado di e caso inicia. Den e caso aki, e opinion di corte ta cu ta admisible cu trabaonan cu AOV ta realisa of a realisa na Isla di oro ta menasa di causa dañonan ireversible na e flora y fauna marino cu ta protegi y cu no por traduci den compensacion. Por lo tanto, ta concede e medida disciplinario solicita contra AOV.

Tambe cu e compania cu ta traha pa AOV na Isla di oro ta autorisa pa retira su pertenencianan, (incluyendo e mashin) den e tempo di dos dia habil posterior na e notificacion di e decision aki (of den un acuerdo entre e compania y FPNA por acorda un plaso mas largo cu solamente lo por realisa e accion aki cu presencia di e representante di FPNA.

Di concede e medida disciplinario solicita contra AOV ta nifica cu, den opinion di Corte, FPNA no tin interes legal di concede e medida disciplinario solicita contra Land Aruba menciona anteriormente, a rechasa e medida aki.

Decision

E decision di Corte, dicidi riba e peticion pa duna un medida di ordo:

• Ta prohibi Aruba Ocean Villas pa cuminsa of traha na Isla di Oro, den cualkier forma, incluyendo trabaonan di limpiesa; Consehonan di tempo por hunga un papel den e contexto aki.

• Determina cu Aruba Ocean Villas lo tin cu paga un suma di multa na beneficio di FPNA di florin. 50.000 pa dia si ta viola e prohibicion menciona, te cu un maximo di 1.000.000 florin.

• Determina cu e compania tin e derecho pa kita su pertenencianan (incluyendo un mashin di cobamento) den un periodo di 2 dia laboral despues di notificacion di e sentencia aki na AOV (of den un periodo mas largo stipula entre e compania y FPNA), cual lo mester sosode solamente bao supervision di (e representante di) FPNA.

Isla di Oro ta un area protegi pa ley cu ta cay bao maneho di FPNA, e mangelnan ta un especie protehi pa ley y e area tambe ta cay den ‘Natuur Gebied’ Nieuwe aanwijzing domeingronden als natuurreservaat (AB 2020 no. 67) y Ruimtelijke Ontwikkelingsplan met Voorschriften 2021 (AB 2021 no. 123) mientras cu e isla mes y e lama ta cay den Marine Protected Area (MPA) esta Landsbesluit Parke Marino (AB 2018 no. 77).

Adicionalmente, e area aki tin reconocemento internacional como un Key Biodiversity Area (KBA) door di IUCN y ultimamente a wordo clasifica como un RAMSAR gebied (RAMSAR Site no. 2526) – dunando e area akinan mas balor ainda y den e caso aki, segun Silva ta expresa a nenga diferente parti di ley pero asina mes e desaroyado a continua cu e trabaonan dañino pa naturalesa sin permiso.

Na cierto paisnan na Europa a cuminsa regla nan leynan pa loke ta trata ‘Ecocidio’ na november di 2023 Union Europeo a acorda di crea un delito nobo cu ta pretende castiga e dañonan mas grave contra medio ambiente, na Aruba e dañonan den e area aki por ta considera como un ‘Ecocidio’ pa motibo cu ta trata di destruccion di naturalesa, ademas Natasha Silva ken ta fungi como Chief Conservation Officer a afirma cu esaki no ta prome biaha cu FPNA tin problema cu e compania desaroyado aki cu ta J.O.B Holding & Management “pa hopi aña nan mester ta na haltura di kico ta naturalesa, cua ta nos naturalesa protegi, dicon eigenlijk nos ta protege e area aki y kico ta nan balor, nos tin e area di mangrove banda di Aruba Ocean Villas y nan sa kico ta e balor pasobra hasta nos a bay Corte pa e situacion ey, kiermen nan no por bisa cu nan no sa,” el a sigura.