(NLTimes) – E huicio criminal contra e dos hombernan sospecha di a los tiro fatal riba Peter R. De Vries lo bolbe cuminsa, corte di Amsterdam a dicidi diahuebs. Si tur cos incluyendo e declaracion di e victimanan y e substancia completo di e sentencianan pidi lo tuma luga un biaha mas lo ser determina mas adelante, NU.nl a reporta.
E huicio contra di e sospechoso Delano G. y su complice Kamil E. A yega te na e punto unda cu lo a dicta sentencia ora cu Ministerio Publico (OM) a revela evidencia nobo y a aresta sospechosonan nobo acusa di a orkestra e reportero su asesinato. Pa e motibo aki, corte a bolbe habri e caso y a pospone e veredicto. Mientrastanto, un di e hueznan a emigra y mester a keda reemplasa.
Ley Hulandes ta prescribi cu si corte su composicion cambia, manera a pasa cu e reemplaso di e hues, e huicio mester bolbe cuminsa al menos cu tur e partidonan den e caso ta keda di acuerdo cu e por continua. Kamil E. su abogado no a keda di acuerdo pa continua.
