(NLTimes)—E corte di Amsterdam e declara cu e municipal di Amsterdam inhustamente a exclui un studiante di e compensacion di gastonan di coriente pa hogarnan cu salario abou. Un studiante di e ciudad a hiba nan caso dilanti hues pa combati e rechaso di parti e municipal riba su peticion pa compensacion.
E subsidio temporario di 1.300 euro riba coriente ta parti di un iniciativa nacional pa personanan cu salario abou cu a wordo afecta pa e aumento di prijs di coriente den manera negativo. E municipal di Amsterdam a declara cu studiantenan no ta wordo considera comparabel cu personanan cu tin cu sobrevivi cu un salario di minimuum loon, pues e ora no lo ta eligibel pa e compensacion.
Pero e corte no ta di acuerdo cu esaki. E grupo cu ta eligibel pa e compensacion aki ta inclui mas aspectonan cu solamente un salario minimo. “E iniciativa tambe ta inclui hobennan di 21 aña of mas cu ta cuminsando nan carera y ken ta ricibi un salario inicial of un tiki mas cu salario minimo,” e corte a bisa. “Tin studiantenan cu ta den e mesun situacion cu e grupo aki pa locual ta nan salario y situacion di bida.” P’esey e corte a considera e rechaso como un “tratamento inhusto di situacionnan comparabel.”
E corte tambe a menciona cu e municipal tambe no a demostra suficientemente cu pa paga studiante e compensacion lo causa cu e grupo aki lo wordo compensa dimas. Studiantenan, manera otro aplicado di e compensacion, mester adheri na mas rekerido cu solamente esun di salario.
Por ehempel, un aplicado mester paga nan mesun gasto di coriente, esaki abogado di e grupo aki, Jaap Kotteman, a splica. Su organisacion ta asisti studiantenan na Amsterdam. El a bisa cu studiantenan cu ta biba cu nan mayor y cu no ta paga nan nada no ta eligibel pa e compensacion.
“E huicio no kiermen cu e studiante lo ricibi e compensacion,” e corte a conta tocante e caso. Ainda no a specifica si e hoben mes ta cualifica pa tur e condicionnan di e subsidio, pero Kotteman a sigura cu si. E municipal mester tuma un otro decision riba su aplicacion dentro di 6 siman.
Kotteman ta contento cu e huicio. Su organisacion Legal Advice Wanted ta plania pa trece mas caso contra otro municipalnan na Amsterdam y otro ciudad. Si mester, e organisacion ta asisti tur hende individualmente, el a bisa, “pero nos ta spera cu tur municipal lo tira un bista riba nan politicanan.”
Union di studiante nacional LSVb tambe a yama e huicio “hopi bon noticia.” E president di e organisacion, Joran van Velzen, a tira comentario pa Minister di Politica di Pobresa, Carola Schouten, bisando pa e “crea un politica nacional pa compensacion di coriente awo y preveni mas caso.”
E municipal di Amsterdam no a comenta hopi riba e asunto di diamars atardi. “Nos lo evalua e huicio y considera kico nos lo haci,” e vocero di e municipal a declara.
