Corte na Leuven mester a declara morocho liber pa motibo cu no por a saca afor ta cua di dos a comete e delito.
Durante tratamento di caso den corte, polis a presente un video como prueba di un pelea cu tabata tin na un snackbar. Den e video no por mira claramente ta cua di dos ta esun cu a tira e mokete cu a herida e victima. E problema di henter e asunto ta, cu tur dos ta parce otro masha hopi mes.
Polis a purba pa medio di interogacion saca afo cua di dos ta esun cu a hacie pero tampoco a logra. Un di nan a bisa prome cu e ta culpabel y djey el a bisa cu e no a haci nada. Despues e otro a haci mesun cos, treciendo polisnan den un confusion grandi.
Hues tabata di opinion cu no ta tur dos ta culpabel y como cu no por diferencianan for di otro, a declara ambos di nan liber di tur acusacion.
