(NLTimes) – E caso den corte pa cu e caso di asesinato di Peter R. de Vries a keda finalisa riba diaranson despues di un audiencia di procedura y corte a bisa cu pronto lo ta cla pa anuncia u veredicto.
Esaki lo tuma luga dia 12 di juni, casi 3 aña despues cu e crimen a ser cometi contra e reportero na centro di Amsterdam. Corte keir pa tur 9 sospechoso ta presente durante e anuncio di e veredicto.
Ministerio Publico (OM) a recomenda bida henter den prizon na januari contra 3 homer cu ta sospecha di hunga un rol den De Vries su asesinato. Esaki ta tocante Delano G, y dos homer Polaco Kamil E y Kristian M.
E 6 otro sospechosonan a tende recomendacionnan cu ta entre 3 pa 21 aña den prizon. Nan ta sospecha di plania e asesinato of graba e reportero di crimen herida riba caya inmediatamente despues di e tiro. Despues nan a comparti video riba rednan social cu speransa cu esaki lo genera atencion amplio, OM a acusa.
De Vries a ser tira fatalmente dia 6 di juli 2021, na Lange Leidsedwarstraat na Amsterdam despues di a graba un episodio di RTL Boulevard. El a fayece di su heridanan 9 dia despues.
