Activista a gana un caso hudicial pa blokea plan pa un di tres pista na aeropuerto di Heathrow, London, pa motibo ambiental, preparando escenario pa un bataya nobo tocante si mester haci aeropuerto mas grandi di Europa mas grandi ainda.
E fayo di tribunal di apelacion di Inglatera por detene di plan di 18 biyon dollar pa expande e aeropuerto di London memey di preocupacion di cambio climatico, contaminacion y zonido.
Huesnan a dicta cu gobierno no a tene cuenta cu compromiso cu e acuerdo di Paris riba cambio climatico na momento di tuma decision. “Nos a gana”, a bisa alcalde di London, Sadiq Khan, opositor di e proyecto.
Minister di medio ambiente, Zac Goldsmith a bisa cu aeropuerto di Heathrow lo apela na corte supremo y ta confia cu lo tin exito. Heathrow a bisa cu mester un di tres pista pa satisface e demanda creciente di biahe.
Parlamento a aproba e plan na 2018, provocando un desafio di grupo ambientalista cu ta bisa cu e proyecto ta den conflicto cu e compromiso di Inglatera pa lucha contra e keintamento global. E residente local tambe a keha di zonido, contaminacion y aumento di congestion.
Pero e situacion a cambia desde cu Parlamento a aproba e asunto. En particular, Boris Johnson, pa largo un oponente di expansion, awo ta prome minister. Vocero di Johnson a bisa algun ora despues di e fayo cu gobierno no lo apela, señalando un cambio den tono di liderazgo.
Departamento di transporte a argumenta cu e proyecto lo permiti 260.000 vuelo adicional pa aña y lo duna un refuerso di 99 biyon di dollar pa economia Britanico durante 60 aña.
A pesar di aprobacion di parlamento, e problema nunca a disparce. Ambientalista y activista local a sigui lucha. Nan a keda aplaudi e fayo di corte, particularmente pa motibo cu cambio climatico a ofrece un mayor speransa di rechaso di e plan.
