(NLTimes)—Diamars e corte na Schiphol a absolve 9 sospechoso den un preparacion di atake terorista for di un garashi na Eindhoven. Nan a wordo deteni na september 2021.
Prome, e oficina di fiscal publico (OM) a demanda absolucion pa 7 sospechoso, un sentencia di 4 aña di prizon pa Marwan M. y un sentencia di 3 aña den prizon pa Mohammad G. Tur dos sospechoso tin 27 aña di edad. Durante e lockdown di coronavirus na 2021, e hombernan aki a train hunto den garashi pasobra cu gym tabata cera. Durante nan sesion di training, M. y G. supuestamente a forsa e otronan pa plan y comete un atake terorista. Pero corte a absolve nan tambe.
Segun e corte, no tin ningun prueba di e intencionnan di e sospechosonan. “Bo a studia propaganda di IS asina largo y extensivamente, pero no ta parce cu un proceso di radicalisacion a tuma luga den bo,” e corte a declara durante e huicio. “Un grupo di amigo no por wordo considera automaticamente como un cel terorista colaborativo.”
E miembronan di e grupo—entre 19 y 32 aña di edad—hunto a mira peliculanan di IS y videonan di instruccion pa traha arma y bom, y nan a papia tocante atakenan. Ningun arma of bom a wordo descubri. Segun e corte, tampoco tabatin plan concreto of datonan pa un atake. No a descubri ningun indicacion den nan telefon of den nan espacio personal cu a mustra cu en berdad nan tabatin e intencion di comete un atake.
Tambe a hombernan a nenga cu nan tabatin envolvi den planificacion di un atake. Nan a reconoce si cu nan a haci comentario peligroso, pero esey tambe tabata den “un atmosfera di chansa.”
E abogado di e sospechoso principal a bisa cu absolucion ta e bon cos pa haci. “Ta bon mes cu e corta a determina cu e cliente y e otronan en berdad no tabatin intencion malo.”
