(AP) – Corte Supremo riba dialuna a rechasa un apelacion di Martin Shkreli, ken antes tabata yama ‘Pharma Bo’ despues di a aumenta e prijs di un medicamento cu por salba bida.

Shkreli a apela un ordo di debolbe 94.6 miyon dollar den ganashi cu su persona y su ex compania a genera despues di a crea un monopolio den mercado pa e medicamento y drasticamente aumenta su prijs. Su abogadonan a argumenta cu e placa a ser inverti den e compania y no den dje personalmente.

E husticieronan no a splica nan motibo, cual ta tipico, y no tabatin ningun oposicion nota.

Sinembargo, e fiscalnan a bisa cu e compania a acepta paga un areglo di 40 miyon dollar y pa motibo cu Shkreli a crea e plan e mester carga e responsabilidad di debolbe e ganashi cu el a genera.

Skhreli a ricibi ordo tambe di entrega Wu-Tang Clan su “Once Upon a Time in Shaolin,” e album cu nunca a lansa cu tambe a ser yama e album musical menos comun den mundo. E grupo di multiplatino a crea un solo copia di e album pa bende den un subasta cu e condicion cu esaki no por tin uso comercial.

Shkreli a ser condena di a gana inversionistanan y estafa miyones di dollar den dos estafa cu el a opera. Shkreli tabata CEO di Turing Pharmaceuticals, despues yama Vyera, ora cu el a aumenta e prijs di Daraprim for di 13.50 pa pildo te 750 dollar despues di a obtene e derecho exclusivo di e medicamento den 2015. E ta trata un malesa raro di parasito cu ta afecta hende muhenan na estado, pashentnan di cancer y pashentnan di AIDS.

El a defende e decision como capitalismo, bisando cu seguro y otro programanan a garantisa cu esnan cu tin mester di Daraprim lo ricibi esaki. Sinembargo e movida a causa disgusto, for di comunidad medico te Congreso.

Abogado Thomas huff a bisa cu Corte Supremo su decision riba dialuna a laga nan desapunta pero tambe a bisa cu e corte te ainda por anula un decision di corte cu a haci e ordo di 64 miyon dollar posibel aunke Shkreli no a ricibi e placa personalmente.

“Si y ora cu Corte Supremo haci esaki, Mr. Shkreli lo tin un argumento fuerte pa modifica e ordo di acuerdo na e decision,” el a comenta.

Shkreli a ser laga den libertad for di prizon den 2022 despues di a cumpli mayoria di su sentencia di 7 aña.