Corte a rechasa e peticion pa revoca e estado di bancarota di Tiara Air, manera a dicta dia 28 di november ultimo. E motibo principal ta cu e curator cu a pone e caso pa revocacion, no por a demostra cambio di desaroyo den e compania.
Basicamente e situacion no a cambia di ora cu el a wordo presenta den corte, ora cu a dicta e sentencia di bancarota. Pa e motibo aki corte a rechasa e demanda, y Tiara Air ta keda den estado di bancarota.
Corte a sali for di punto di bista cu e curator durante su defensa pa e revocacion, mester a duna un bista di e situacion di e compania. Pero esaki no ta e caso , E curator no por a demostra cu e compania tin un desaroyo nobo na Corte .
Corte ta determina cu no tin ningun bista riba pagonan di e compania, y cu no por spera reanudacion di actividadnan di e compania. Tambe no a resulta cu e trahadonan a maluza nan derecho.
