Agencia regulador di medionan di comunicacion di Pakistan ayera un biaha mas a blokea e servicio di video Chines, TikTok, despues cu dos abogado a acerca un corte den nort-occidente di e pais acusando e compania di comparti contenido vulgar.
E desaroyo mas recien ta yega casi seis luna despues cu e agencia regulador Pakistani brevemente a suspende TikTok despues di keho tocante e supuesto presencia di contenido inmoral y indecente riba e app popular di red social.
Un declaracion breve di e agencia a bisa cu a blokea TikTok pa cumpli cu orden di e Corte Supremo di Peshawar. No a duna mas detaye.
E Corte Supremo di Peshawar a bisa cu a actua riba peticion di abogadonan Nazish Muzaffar y Sara Ali, kende4 a solicita pa blokea e plataforma di comparti video te ora cu e cumpli cu instruccion y guia duna pa e agencia regulador aña pasa.
Pakistan y China ta aliadonan cercano den e region. Na october, Pakistan a blokea TikTok durante 10 dia.
Algun celebridad di TikTok Pakistani e tempo aya a critica gobierno pa suspende e app, cu ta propiedad di ByteDance di China y e tercer app cu mas a download durante ultimo aña, tras di WhatsApp y Facebook. E app a wordo download casi 39 miyon biaha na Pakistan.
