Corte Supremo di Israel a prohibi dos activista di un partido extremista nacionalista di participa den eleccion venidero.
Corte a prohibi Benzi Gopstein, lider di un grupo anti- asimilacion extremista, y Baruch Marzel, un activista politico prominente. Corte a bisa cu ambos homber ta incita racismo contra Arabenan.
E activistanan ta parti di e lista Jewish Power, un faccion componi di nacionalistanan religioso extremista, kende a postula nan mes como sucesornan di e movemento Kahanista prohibi, cual tabata soña di converti Israel den un teocracia Hudiu, y a boga pa retiro forsa di e Palestinonan.
Den su decision ayera, e corte a stop cerca di prohibi henter e lista. Israel lo tene un ripiticion sin precedente di eleccion proximo luna, despues cu a disolve Parlamento despues di eleccion na april, ora Prome Minister Israeli, Benyamin Netanyahu, a faya di forma un gobierno.
