(AP) – Corte Hulandes riba diaranson a condena 3 hende homber di asesinato pa nan rol den e tiroteo di 2021 di reportero investigativo Peter R. de Vries, un atake na Amsterdam cu a manda un ola di shock na henter Hulanda.
Su asesinato aparentemente ta relaciona na un cantidad di accion di gang na y alrededor di e capital Hulandes, aunke e lider di e gang cu a ser condena di duna ordo pa algun di nan no a ser acusa den e asesinato di De Vries.
E tirador, e chauffer y e organisador di e atake a ser condena di hunga un rol directo den e asesinato. E tirador y chauffeur a keda sentencia na 28 aña den prizon. E homber cu a organisa e asesinato a ser sentencia na 26 aña y un luna.
E 3 sospechosonan a demostra “di ta personanan sin escrupulo. Nan accionnan y falta di responsabilidad cu esaki a demostra cu nan no ta balora bida di ser humano,” Hues Gert Oldekamp di Amsterdam District court.
De Vries a ricibi tiro dia 5 di juli 2021, un caya di Amsterdam cu ta druk y a fayece 9 dia despues a causa di su heridanan cu 64 aña.
E tabatin tempo trahando como consehero y confidente di un testigo protegi den e huicio di e supuesto lider y otro miembronan di e gang di crimen. E testigo su ruman homber y abogado ambos a ser asesina.
E grupo su gangster principal, Ridouan Taghi, a ser condena pa su rol den 5 asesinato y a ser sentencia na bida den prizon den februari. Huesnan a yama su persona “indudablemente e lider” di un “organisacion di asesinato.” Taghi a apela su condenanan.
Taghi no a ser acusa di a hunga un rol den e asesinato di Peter R. de Vries y ki ihntencion e por a tin no ta den evaluacion den e caso criminal aki,” Oldekamp a bisa.
De Vries su yiu, Royce, a conta noticiero nacional NOS cu e problema ta algo pa e abogadonan trata. “E hecho ta cu tin un condena awe y castigonan fuerte imponi. P’ami, esey ta lo mas importante actualmente,” el a comenta.
Annemiek van Spanje, abogado di de Vries su famia, a bisa cu nan ta satisfecho cu e decision, sinembargo e “punto importante ta cu e no lo trece back nan tata.”
Un total di 9 hende homber a ser acusa en conexion cu e asesinato. 3 di nan a ser condena di ta complife y a ricibi castigo di entre 10 pa 14 ana. Un di nan a ser condena di posesion di droga pero no di ta complice den e asesinato. El a ricibi un sentencia di 4 siman.
Dos su crimennan a ser retira pa motibo cu nan a ser acusa solamente cu hunga un rol den un organisacion criminal y e huesnan a bisa cu fiscalnan no a comproba e existencia di e organisacion aki. Fiscalia su vocero Justine Asbroek a duna bon bini na e condenanan.
“Nos ta contento cu e caso criminal aki a yega un fin, por lo menos te cu awo,” el a conta reporteronan na e Cas di Corte. “Nos ta contento pa e famia cu finalmente tin claridad tocante esnan involucra den e asesinato.”
E nombernan completo di e sospechosonan no a ser publica di acuerdo cu e regulacionnan Hulandes di privacidad.
E fiscalnan a pidi bida edn prison pa e tirador, e chauffeur y esun cu a organisa e crimen y sentencia di entre 3 pa 21 ana pa e otro 6 sospechoso den e caso. E condenanan tabata generalmente mas cortico di loke a pidi pa motibo cu Corte a considera cu e fiscalnan no a comproba cu e sospechoso ta parti di e organisacion criminal ni tampoco cu algun a actua cu un motibo terorista.
