Recientemente Conseho di Estado a bisa cu e inspectornan di gobierno mester haci publico e informacion tocante unda nan haya e sangura tiger na Hulanda.
E Hunta di Siguridad di Alimentacion y Productonan NVWA, encarga di monitor e plamamento di especienan exotico, a nenga di bisa exactamente unda nan a haya un decena di sangura tiger na e ciudad di Veenendaal na 2016.
E grupo di presion destina pa detene e especienan invasor, Plataforma Stop Invasieve Exoten, a bay corte pa asina averigua exactamente di unda nan a haya e sanguranan cu ta 56 den total. Esaki ta locual e organisacion a bisa, ta permiti nan pa asina wak di unda nan a origina.
Segun e locutor di NOS, e organisacion sospecha cu nan a bin di un compania local di taira. Huesnan di Amsterdam a bisa anteriormente cu e informacion no ta obliga pa bira publico pa asina proteha e privacidad di e personanan cu a haya nan. Sinembargo, e Conseho di Estado cu ta e tribunal administrativo Hulandes di mas halto, a bisa cu e area na unda a haya e sangura por ta chikito, pero no suficiente chikito pa impacta un persona kende a gara e insectonan.
Na 2013, e sanguranan (Aedes Albopictus), kende por transmiti enfermedadnan peligroso manera e kentura gel y dengue a ser identifica den varios empresa di importacion di taira. Tambe ta kere cu a introduci den un articulonan decorativo di bamboo.
