(nltimes.nl) – E Corte Europeo mas halto a emiti critica diahuebs riba e reglanan di prijs cu Booking.com a obliga doñonan di hotel pa sigui. Anteriormente, e doñonan no tabata permiti pa ofrece prijsnan mas abou riba nan propio website of un website di reservacion diferente cu riba Booking.com. Corte di Husticia di Union Europeo a dicidi awor cu Booking.com no tabatin mag di haci esaki di acuerdo cu leynan di Union Europeo.

Corte a wak e caso despues cu preguntanan a wordo entrega door di un corte di Amsterdam tocante si Booking.com tabatin mag di enforsa e reglanan di prijs aki pa loke ta trata leynan Europeo. E plataforma di reservacion a sinti cu esaki tabata permiti, pero Corte Europeo a dicta cu Booking.com no tabata permiti pa impone e “restriccionnan adicional” aki bou di ley di competencia.

Segun e Corte Europeo, e reglanan no ta “obhetivamente necesario” pa realisa e actividadnan principal di e sitio di reservacion of ta innecesariamente restrictivo pa e metanan di Booking.com.

Booking.com a bisa cu e lo contesta e veredicto na un fecha despues. Segun un vocero, e reglanan di prijs a wordo baha na Hulanda y otro paisnan di UE dia 1 di juli di acuerdo cu e ley Europeo. Esaki ta nifica cu doñonan di hotel por ofrece prijsnan mas abou via nan website of plataformanan cu no ta Booking.com.

Ademas, Corte Europeo a informa cu reglanan di prijs generalmente por conduci na menos competencia y aglomeracion di plataformanan chikito y nobo. Corte a enfatisa cu plataformanan manera Booking.com no ta afecta competencia negativamente riba nan mes. E plataformanan aki ta duna consumidornan acceso facil na hopi acogida y ta permiti nan compara nan lihe. Corte a rasona cu e plataforma ta haci e proveedornan mas facil pa wordo encontra.

E regulador Spaño di competencia CNMC kier a duna un boet na e compania madre di Booking.com cu 490 miyon euro na februari pa abusa di nan posicion dominante den e mercado. E regulador tabata investigando e compania pa un tempo caba pasobra nan tabata sospecha practicanan inhusto pa cu algun hotel y organisacion di biahe den e pais.

E boet no a wordo imponi ainda, ya cu Booking.com a anuncia cu lo apela contra e castigo.