(AP) – E Corte Supremo di Oklahoma riba diamars a anula un declaracion di 465 miyon dollar den e caso di opioide contra di fabricante di farmaceutico Johnson & Johnson, mirando cu e corte a interpreta e estado su ley di daño publico incorectamente den e prome caso di su tipo cu a yega huicio na Merca.

E declaracion tabata e di dos golpi cu e gobierno a ricibi den e caso cu a usa un strategia similar pa purba di tene fabricantenan di farmaceutico responsabel pa e epidemia nacional di abuso di opioide. E acusacion di dano publico ta na e curason di mas di 3,000 demanda treci pa e estado y gobiernonan local contra di e companianan aki, compania di distribucion y farmacianan, pero e no ta cla si e teoria legal ta den e problema cu hopi mas caso den fila pa test esaki.

E corte a declara cu un decision di 5 pa 1, cu e Hues di Districto Thad Balkman den aña 2019 tabata incorecto den declara cu Johnson & Johnson basa na New Jersey y su subsidiario Belgico Janssen Pharmaceuticals a viola e estado su ley di daño publico.

“E corte a permiti acusacionnan relaciona cu dano publico pa trata cu problemanan discreto y localisa,” segun opinion skirbi pa Justice James R. Winchester.

“Johnson & Johnson no tabatin control di nan producto y den e varios nivel di distribucion, incluyendo despues cu el a bende e opioide na distribuidornan, cual despues a keda distribui na farmacianan, hospital, oficina di dokternan di cas, y despues di dokter pa pashent.” E declaracion tambe a bisa cu e compania no tabatin control tocante e manera cu e pashentnan ta usa e producto.

E corte Supremo a declara cu aunke nan no kier kita for di e sufrimento cu miles di persona den e estado a sufri pa causa di e opioide, e pregunta en cuestion ta si e compania su benta y promocion di e producto a crea e problema publico, di cual e contesta lo ta no.

“Johnson & Johnson no ta promove e receta ni uso di ningun opioide y tin varios aña sin haci esaki,” Winchester a expresa. “Te hasta cu e practica y promocion di Johnson & Johnson, medicina ta menos di 1% di Oklahoma su problema di opioide.

Estadisticanan di e estado a demostra cu desde aña 2007 pa 2017, mas di 4,600 hende na Oklahoma a fayece di sobredosis di opioide di tur sorto, incluyendo pildonan pa dolor receta y versionnan ilicito di esaki manera heroina y fentanyl. Nacionalmente, opioide a keda conecta na mas di 500,000 morto desde aña 2000.

Corte tambe a nenga e apelacion di aumenta e compensacion di e danonan causa. E estado tabatin planea pa usa e 465 miyon dollar pa combati e crisis di opioide, pero e expresa cu e no ta suficiente pa paga ni compensa e dano cu a ser causa.

E declaracion ta bini un siman despues cu un Hues di Californa a duna un declaracion temporal unda cu a bisa cu e gobierno local no tabatin suficiente evidencia cu Johnson & Johnson y otro fabricantenan di opioide a usa marketing enganoso di nan pildonan pa dolor, cual a crea e problema publico.

Aunke e demanda poni pa Oklahoma a ser entrega pa abogado di estado anterior Abogado General Mike Hunter tabata e prome di miles di otronan cu tambe a bay huicio, e corte upremo su sentencia no ta nifica cu e otronan tambe lo fracasa di e mesun manera cu e demanda aki, te ainda nan lo revisa y trata e demas demandanan individualmente.