(AP) – E dukesa di Sussex a gana e etapa mas recien di su demanda tocante privacidad contra un corant Britanico riba diahuebs, ora cu 3 hues a declara cu e corant a invadi su privacidad pa medio di reproduci un carta cu el a skirbi na su tata, cu ken e no tin contacto mas.

E dukesa formalmente conoci como actris Americano Meghan Markle a bisa e corte di apelacion su declaracion tabata un victoria di “corecto contra incorecto.” El a haci un yamada pa “restructura e industria di farandula” cu tin hopi tempo siendo e enemigo di ambos e celebridadnan y realesa Britanico.

E partido cu a perde e demanda, Associated Newspapers a bisa cu nan ta considerando un apelacion na e decision di U.K su Corte Supremo.

Britania su Corte Supremo a declara den februari cu e publicador di The Mail riba diadomingo y e website di MailOnline a kibra ley, y a viola e privacidad di Meghan cu articulo unda cu a reproduci un gran parti di e carta skirbi na man cu el a manda na su tata, Thomas Markle, despues cu el a casa cu Prins Harry den ana 2018.

E publicador a apela, y un audiencia a tuma luga luna pasa. Descartando e apelacion, Hues Geoffrey Vpos a bisa diahuebs cu “e Dukesa tabatin un expectativa rasonabel di privacidad den e contenidonan di e carta. E contenidonan aki tabata personal, priva, y no tabata asunto di interes publico legitimo.”

Den un declaracion, Meghan ken tin 40 ana di edad, a bisa cu e “victoria aki no ta solamente pa mi eprsona, sino tambe pa cualkier persona cu a yega di sinti miedo di busca husticia pa loke ta corecto.”

“Loke ta importa ta cu aworaki nos ta colectivamente suficientemente fuerte pa restructura e industria aki, cu ta condiciona hende pa ta curel, y ta genera ganashi a base di mentira y dano cu nan ta causa,” el a Dukesa a expresa.

Associated Newspaper su abogadonan a nenga Meghan su declaracion cu e no tabatin e intencion pa e carta ser mira pa otro personanan cu no tabata su tata.

Nan a bisa cu e corespondencia entre Meghan, y su secretario di comunicacion den e tempo aki, Jason Knauf, a mustra e Dukesa a sospecha cu tin un probabilidad cu e tata lo revela e carta aki na reporteronan, y a skirbi e carta cu esaki den mente.

E publicador tambe a argumenta cu e publicacion di e carta tabata parti di Thomas Markle su derecho di contesta despues cu un entrevista den Peoples su revista cu 5 amistad di Meghan acusando Thomas di “cruelmente ignora” su yiu den e dianan prome cu su matrimonio.

Sinembargo, Vos a bisa cu e articulo, cual The Mail riba diadomingo a describi como “sensacional,” tabata “treci dilanti como un revelacion publico nobo” na luga di enfoka riba Thomas Markle su respuesta na reportahenan negativo den medio tocante su persona.