(NLTimes)—Hulandes mester stop di exporta piesnan di F-35 pa Israel, segun e corte di apelacion na Den Haag a dicidi ayera. “Tin un riesgo obvio cu e fighter jets por ser uzo den un comision di violacionnan serio di leynan humanitario internacional,” e corte e bisa.

Organisacionnan di derechonan humano Oxfam Novib, PAX Nederland y The Rights Forum a hiba un caso corta contra e Estado Hulandes pa stop cu exportacion. Nan a argumenta cu Hulanda sa cu Israel ta uzando e F-35 fighter jets pa bombardia e Gaza Strip, y p’esey e Estado Hulandes ta violando leynan di guera por medio di permiti e atakenan aki riba poblacionnan civil.

Previamente, e corte na Den Haag a dicidi cu e envionan por continua. E corte di apelacion ta opina algo otro. “Israel no ta pone suficiente tino di e consecuencianan di su atakenan pa e poblacion civil. E atakenan di Israel riba Gaza a resulta den un cantidad desproporciona di casualidadnan civil, incluyendo miles di mucha,” e hues a skirbi. “Hulanda ta un partido pa varios regulacionnan internacional cu ta stipula cu si tin un riesgo claro di violacionnan serio di leynan humanitario internacional, Hulanda tin e obligacion pa preveni e exportacion di ekipahe militar.” E envionan mester stop dentro di shete dia.

E Estado Hulandes a bisa cu e lo apela e decision di e corte. E huicio, y e respuesta di e gabinete a sosode ayera, ora e prome minister Mark Rutte tabatin reunionnan plania cu prome minister Israeli, Benjamin Netanyahu, na Jersulem, sigui pa un reunion cu lider Palestino, Mahammad Shtayyeh, den e teritorio Palestino West Bank.

E ministerio di asuntonan den exterior a nota cu e programa di F-35 ta envolvi hopi partner internacional cu lo mester tuma e responsabilidadnan di Hulanda si e no por cumpli cu acuerdonan. Durante e ultimo fasenan di desaroyo pa e F-35, tambe conoci como Joint Strike Fighter, Hulanda a gana e oferta pa un facilidad pa test motor cu awo ta operando na Woensdrecht, Noord-Brabant. E facilidad tabata e resultado di un acuerdo di 30 aña cu fabricante di motor Pratt & Whitney, y awo ta sirbi como un facilidad di mantencion cu ekipahe, piesanan y trabaonan specialisa.

“Gobierno lo haci tur cos cu e por pa convence aliado- y partnernan cu Hulanda ta keda un partner confiabel den e proyecto di F-35 y den cooperacion di defensa Europeo y internacional,” e ministerio a skirbi. “E cooperacion ta importante pa e seguridad nacional di Hulanda. Pero esaki ta esencial pa Israel, pasobra e aeronavenan F-35 ta crucial pa e seguridad di e pais, particularmente pa loke ta trata menasanan den e region, por ehempel for di Iran, Yemen, Siria y Lebanon.”