(CuraçaoChronicle) – Corte di Apelacion na Hulanda a declara cu e rapport di NRC y De Limburger tocante supuesto faboritismo di ex minister Raymond Knops den e compra di un edificio su tereno tabata legal. Den aña 2020, e corant a publica rapport cu Knops a ricibi faboritismo cu miles di euro den e compra, cual a termina den un demanda.
Raymond Knops, conoci riba e islanan como e ex Secretario di Estado encarga cu e relacionnan den Reino y di tin un posicion politico significante como miembro di parlamento y minister, a acusa e corantnan di a actua sin cautela. El a declara cu no tabatin faboritismo ya describi e articulo como uno dañino cu ta kita e balor di e poder di ley. Sinembargo, corte a determina cu e corant su acusacionnan tabata basa riba hechonan.
E caso ta trata Knops cu compra di un tereno den aña 2010 via e skema di space-for-space na Limburg, unda el a ricibi mas tereno di loke el a paga p’e. Corte anteriormente a declara cu berdaderamente tabatin faboritismo, pero cu e corant no por a acusa cu esaki ta responsabel pa e miles di euro. Corte di Apelacion awo a revisa e decision aki y a confirma cu e aspecto aki di e publicacion tabata corecto y basa riba hecho tambe.
E corte su declaracion tambe ta enfatisa cu a causa di su funcionnan publico, Knops posiblemente ta suheta na mas atencion di media di loke ta averahe, specialmente den su accionnan priva pa loke ta trata regulacionnan publico. Corte di Apelacion tambe a duna ordo cu Knops mester paga e gastonan legal di ambos e caso den Corte di Prome Instancia y den Corte di Apelacion.
