Corte Constitucional lo defini si e actriz Esperanza Gomez a viola e reglanan di Instagram

(Infobae) – Despues di e demanda cu e actriz di cine adulto of pornografico a entrega den contra di e red social, e vocero di e compania a recorda su persona cu “no por promove contenido cu ta facilita encuentronan of servicionan sexual comercial.”

E demanda cu Esperanza Gomez, ken ta actriz di cine pa adultonan, a pone un demanda den contra di Instagram pa e clausura di su cuenta riba e red social a yega dilanti Corte Constitucional. Un di e partidonan involucra a solicita e tribunal pa defini si en realidad e actriz a viola e reglanan di e plataforma. E plataforma ta sigura cu Gomez ta promove contenido sexual riba su cuenta di Instagram.

Pa e motibo aki, Fundacion Karisma, ken tabata presente na e audiencia entre e actriz y dirigentenan di Meta, a pidi e magistradonan di Corte Constitucional pa splica si e actriz reconoci di cine pornografico a viola e statuutnan di e companai aki. “Corte tin cu dicidi di a viola e normanan, esaki ta un di e formanan cu Corte por evalua e caso y loke nan tin cu mira ta si a viola e normanan aki cu riba Instagram y Facebook ta hopi cla tocante ki contenido por ser publica riba e plataformanan aki,” Catalina Moreno Arocha, coordinadora di Inclusion Social di Fundacion Karisma a comenta.

Di mesun manera aki, e funcionario a recorda algun di e reglanan cu Esperanza a viola den su cuenta di Instagram causando cu su cuenta cu tabatin mas di 5 miyon siguido a keda cera. “Nos ta papiando di delitonan sexual y adultonan sin paña, esaki ta e dos causa pa cual a bisa Esperanza cu a ser su cuenta,” Moreno a señala.

Den su demanda, e actriz a sigura cu Instagram a penalisa su cuenta pa motibo cu atrabes di su cuenta e tabata promove e servicionan di su otro coleganan. “Mi tabatin casi 4 aña sin haci nada di entretenimento pa adultonan, y mi ta mira cu den mey di aña 2021 nan ta cera mi cuenta cu 5.7 miyon siguido. Prome cu mi a bira actriz di entretenimento pa dultonan mi tabata modelo cu a traha cu marca manera Bavaria y La Chica Aguila, pero Instagram ta dicidi di ponemi den un caha di pornografia y Esperanza Gomez no ta solamente pornografia,” e modelo a indica dilante corte.