No sa pasa masha cu nos corte ta mescla cu asuntonan local y internacional, pero awe Corte Comun di Husticia di Corsou, Aruba, Sint Maarten y Islanan BES a expresa solidaridad cu huesnan na Turkia. Nos Corte Comun ta miembro di Caribbean Association of Judicial Officers (CAJO).
E regimen cu a sobrevivi un intento di golpi di estado a dicidi di pone un gran cantidad di hues un banda. E situacion na Turkia ta sigui confuso y bruha. Ya caba a detene mas cu 6 mil hende despues di intento di golpi sangriente di diabierna anochi. E asociacion di wesonan internacional, International Association of Judges (IAJ), na cua pues CAJO ta afilia tambe ta condenando e accion contra huesnan na Turkia.
