(NLTimes)—Un donante di spera Hulandes cu varios shen yiu mester para inmediatamente cu donacion di sperma, segun e corte na Den Haag a dicidi diabierna. Jonathan M. (41) a bisa cu e tin alrededor di 550 yiu.

Stichting Donorkind a entrega e procedemento sumario. E organisacion no gubernal aki ta aboga pa hende di ken nan mayor biologico ta un donante, y den e caso aki, un mama cu tin un mucha concebi cu e sperma di M. Nan tabata kier pa M. stop di haci donacion di sperma y tambe nan kier un bista di tur clinica na mundo unda M. a haci donacion. E muestra di sperma warda mester ta destrui, cu e excepcion si a reserva esaki caba pa un pashent, segun nan a demanda.

“segun e liñanan di guia di clinicanan, un donante por haci un donacion di maximal 25 mucha of 12 famia pa preveni endogamia, incesto y problemanan psicologico pa e yiunan,” e organisacion a splica ora nan a entrega un peticion pa preveni e homber di por sigui haci donacion. El a viola e reglanan aki pa medio di haci donacion di sperma na 13 clinica na Hulanda y den exterior, pero tambe pa medio di tuma contacto directamente cu e mayornan.

Jonathan a argumenta cu e tin derecho legal pa ta mayor di e yiunan y mester tin permiso pa por sigui haci esaki. En bes di considera esaki como algo straño, el a bisa cu su metodo pa cria yiu mester wordo mira como “un concepto completamente nobo.” Tambe el a crea un plataforma online unda su yiunan biologico por dicidi di nan mes si nan kier tuma contacto cu nan ruman, of combersa cu nan tata biologico.

Donorkind a argumenta tambe cu e donacion masal pa un persona tin daño psicologico pa mamanan. Algun di nan a bisa cu nan a kere cu e donante, Jonathan, no a haci donacion frecuente y awo nan ta sinti nan mes forsa di a tuma parti di un “experimento social straño.”

“E problema central den e caso aki ta cu esaki ta trata di derechonan fundamental. Na un banda, bo tin e derecho pa cu e privacidad di e mayor y e yiunan di e donante, cual ta proteha bou di Articulo 8 di e Convencion Europeo riba Derecho Humano. Na otro banda, bo tin e mesun derecho di e donante,” segun corte a declara.

“E corte den procedemento preliminar di alivio tin e opinion cu e interes di e yiunan di e donante y nan mayor ta pisa mas cu e interes di e donante pa sigui haci donacion di sperma pa posibel mayornan den e evento di un prohibicion riba donacion di sperma pa mayornan nobo.

Segun e corte, M. a malinforma mayornan tocante e cantidad di yiu cu e tin caba a proposito, pasobra e tabata sa cu e informacion ta bay afecta nan decision. “E mayornan aki awo mester enfrenta cu e hecho cu e yiu den nan famia ta parti di un network grandi di ruman, cu varios shen rumannan. Esey nan no a scoge,” segun corte a bisa. E corte a considera e consecuencianan psicologico pa e yiunan plausibel. “P’esey ta den nan interes cu e network di ruman aki no sigui expande.”