Corsou: Un persona indocumenta ta costa 350 florin pa dia

Den e ultimo simannan e departamentonan den Centro di Detenshon y Korekshon Kòrsou (SDKK)cu ta e topico, ta e departamento di Barak. Esaki ta caminda cu ta encarcela personanan cu yega nos isla di forma ilegal sea via di lama of di otro forma y cu polis a gara nan ya riba nos isla.

Durante di e dia habri pa Prensa ayera, director di SDKK Urny Floran a duna un presentacion amplio relaciona cu detencion y encancelacion di e personanan indocumenta.

Loke a bin dilanti ta cu durante di e ultimo 5 añanan, mayoria di e personanan indocumenta cu a keda detene, a drenta nos isla via di lama.

E loke cu mas ta remarcabel te echo cu antes 5%  di e personanan indocumenta cu tabata yega y permanece riba nos isla tabata Venezolano, awor a yega e cantidad remarcabel di 78%.

Na di dos luna ta sigui e personanan di nacionalidad Colombiano cu ta forma un total di 6% di e cantidad di personanan indocumenta cu ta keda detene.

Encancelacion di personanan indocumenta cu keda detene tanto muhe como homber tin hopi gasto mara na dje.

Gastonan pa cada un persona indocumenta cu ser detene ta mas o menos Fl.350 pa cada dia. Esaki ta encera alimento, cuido y te hasta pañanan pa esunnan cu keda detene sin nada hunto cu nan.

E echo cu frontera ta cera ta pone cu e personanan indocumenta ta keda mucho mas dia cu normal loke ta haci e gastonan pa cu cada persona encarcela mucho mas.

Un otro problema cu tambe ta trece gastonan astronomico cu ne, ta huida di e indokumentadonan.

Den e ultimo aña tabatin sigur 4 huida na e barak di personanan indocumenta, incluyendo e huida di siman pasa.

Segun cifranan cu a keda presenta, un promedio di Fl.60.000 pa luna ta bay na reparacion na e barak na momento cu huida a tuma luga. Actualmente tin re construccion tumando luga na e baraknan aki.

E prome fase ta plania pa termina fin di e luna aki.

Na momento cu e baraknan ta cla, por acapara un cantidad di mas o menos 50 persona indocumenta. Situacion financiero ta pone cu no por reconstrui e departamento di barak completo. Un re construccion total di e departamento barak lo sali sigur 6 miyon florin. Pa esaki a haci un peticion na Hulanda pa yuda cu e fondonan, segun Floran a indica.