WILLEMSTAD – Corsou tin un gobierno atrobe, por lo menos temporal, cu tin cu wanta pa 10 luna te ora cu tin eleccion atrobe.
Esey a bira un hecho cu firmamento di un acuerdo di gobernacion nobo diadomingo atardi entre e partidonan PS, PAR, PAIS, PNP y miembro independiente Glenn Sulvaran. Cu esaki partido PAR ta bek den gobierno. E gabinete ta haya e nomber di Whiteman II, aunke no ta conoci ken lo yena e puestonan ministerial. Esey ta pasobra ainda e screening ta andando. Unico cu ta conoci aworaki ta e candidato di PAR, ex diputado Eugene Rhuggenaat, cu den pasado a bandona fila di PAR pa motibo di desacuerdo. Awe Ben Whiteman tin cu entrega e relato na gobernador Lucille George Wout.
Source: Noticia Cla
