(CuraçaoChronicle) – E schemanan di asistencia temporal pa entrepreneurnan cu ta traha riba nan mes, TBZO, y e medida di emergencia pa empleo NOW no ta bay continua na Corsou. Minister Ruisandro Cijntje di Desaroyo Economico a anuncia esaki durante e Reportahe di Dia.
Gobierno ta bin dunando sosten na doñonan di negoshi na Corsou desde comienso di e pandemia di coronavirus. Na juni a agrega criteria adicional pa bin na remarca pa e asina-yama sosten di corona.
“Considerando cu e economia actualmente ta stabilisando di nobo, y e situacion financiero ta permiti esaki, Conseho di Minister a dicidi pa stop tur sosten pa doñonan di negoshi for di dia 1 di october”, Cijntje a bisa. Aplicacion y pagonan te cu fin di september ta bay ta procesa retroactivamente.
E minister ta enfatisa cu Ministerio di Desaroyo Economico (MEO) ta trahando duro pa sigura cu tur cos cana bon. Segun Cijntje, e ahustenan no ta bay causa retraso den e aplicacionnan actual.
