(CuraçaoChronicle) – Corsou ta birando mas cayente. Esaki segun Timo Kelder di fundacion Hulandes, Climate Adaptation Services (CAS). El a haci investigacion riba esaki den nomber di Curaçao Ports Authority (CPA). Segun Kelder, e kentamento ta un resultado di cambio climatico.
E investigacion di Kelder a keda ehecuta conhuntamente cu Felix van Veldhoven, y ta trata di un estudio exploratorio riba menasa di clima y riesgo pa puertonan. Na e momento aki, e temperatura maximo anual na Corsou ta 33 grado Celsius, cu un record di 38.3 grado. Na 2050, esaki ta bay ta probablemente 36 grado Celsius anualmente, cu peaknan di 42 grado Celsius.
Kelder a duna su advertencia durante un charla tocante e efectonan di cambio climatico na Corsou, organisa pa Curaçao Ports Authority.
Segun e investigadornan, e nivelnan di lama rond di islanan ABC ta bay eleva mas rapido den proximo decadanan cu loke a eleva den decadanan anterior.
Pa aña 2050, e ta pronostica un aumento di 28 centimeter. Despues di 2050, e elevacion ta bay ta mas halto ainda, y pa e tempo ey lama por ta 85 centimeter mas halto di loke e ta awo.
