(CuraçaoChronicle) – Gobierno di Corsou ta bay haci un solicitud medico na Hulanda, y ayera, durante un conferencia di prensa, prome minister Pisas a anuncia cu for di awe ta introduci medida di toque de queda.

Cu esaki, prome minister Gilmar Pisas ta respondiendo na e yamado pa ayudo di hospital CMC pa motibo di escasez di personal. E hospital tabata kier pa introduci toque de queda prome cu cambio di aña.

Pero Pisas ta indica cu net prome cu fin di aña den un combersacion cu management di hospital a dicidi pa haci un solicitud pa ayudo for di Hulanda pa mas personal medico. “Nos mester entre 16 pa 20 persona. Cu e cantidad aki, nos tin e situacion bao control.”

E prome minister ta bisa cu e pandemia a mustra cu un hospital nobo no ta resolve tur problema. “Nos mester construi un hospital nobo, grandi y expansivo, pero awo ta parce cu nos no tin suficiente capacidad pa motibo di e pandemia. Varios departamento mester ta cera a custia di servicio na pashentnan. Y eset ta nifica cu nos mester tuma medida pa alivia e presion riba e personal.”

Loke tambe ta hunga un rol ta cu personal di hospital ta confrontando trauma y problemanan mental pasobra nan a mira asina hopi pashent di coronavirus fayece durante e pandemia. 189 persona a muri te awo, segun cifranan di gobierno.

Ademas, cantidad di empleado di hospital awo ta infecta. Prome minister ta bisa cu tabata extra druk durante dianan di fiesta pa motibo di e cantidad di accident di auto y incidentenan violento.

Sinembargo, Corsou no a tuma ningun medida di coronavirus cu drasticamente a shut down bida publico. Segun Pisas, un motibo importante ta cu e variante Omicron ainda no a conduci na un aumento grandi den admision den hospital. Ademas, e isla desesperadamente tin mester di entrada for di turismo. Y no ta beneficia di un lockdown.

“Nos no ta bay ricibi ningun sosten di likides; Hulanda actualmente ta yudando solamente cu aspecto di salud. Esaki ta nifica cu nos mester provee pa nos propio entrada. Y den e contexto aki, un lockdown no ta deseable.”

Pisas si a bisa cu nan ta evaluando un toque de queda. Pero autoridadnan ya tin problema cu cumplimento di e reglanan actual di coronavirus pasobra cantidad di agente di polis a infecta. “Esaki ta nifica cu proximo dos siman ta bay ta hopi druk ya cu no tin suficiente personal niun caminda.”

Sinembargo, ayera durante conferencia di prensa, Pisas a anuncia cu for dia we dia 4 di januari ta na vigor un toque de queda di 1am te 4:30am. Ademas, ta permiti un maximo di 75 invitado reuni na eventonan pafo. Anteriormente e toque de queda tabata di 3am pa 4:30am. “Hala e toque de queda mas largo no ta un preferencia, pero mester hacie”, Pisas a anuncia. For di awe, e toque de queda ta na vigor for di 1am. Restaurant mester cera mey anochi. Truck di cuminda ta permiti pa habri for di 6pm.

Na eventonan di riesgo abao cu ta tuma lugar den un espacio cera, por ricibi un maximo di cincuenta persona. Pa eventonan pafo, un maximo di 75 persona ta permiti. “Nos mester haci nos best pa organisa lo mas posible den aire liber”, Pisas ta conclui. Den industria di catering, ta permiti servicio solamente na mesa y un maximo di cuatro persona por sinta na un mesa.

Segun Pisas, tin cantidad di hende cu ta pretendiendo cu no tin un pandemia andando. E ta enfatisa e importancia di e reglanan basico, manera tene distancia y bisti tapaboca. “Nos mester actua mas responsablemente y bira consciente di e gravedad di e situacion”, Pisas a conclui.