(CuraçaoChronicle) – E cantidad di scol na Corsou ta bay keda reduci di 95 pa 60. Al menos, esaki ta loke ministerio di Educacion ta anticipa. E cifra ta basa riba e cantidad actual y den futuro di mucha den edad escolar riba e isla.
Minister di Educacion, Ciencia, Cultura y Deporte, Sithree van Heydoorn a declara den su contesta na preguntanan for di parlamentario di PAR, Steven Croes tocante e proyecto di renobacion di scol a gran escala na Corsou.
Croes a puntra tocante e gasto total pa renoba tur scol. Segun e minister, mirando e poblacion di Corsou y e cantidad di nacemento pa aña, e demanda pa scol ta reduciendo. Basa riba tasa di nascemento, e cantidad rekeri di edificio di scol na Corsou ta bay ta aproximadamente 60 den tres aña, un reduccion di mas di 30 porciento. Segun e minister, no ta necesario pa renoba tur scol.
Pa e proyecto actual, financia cu fondonan Hulandes, ta calcula cu alrededor di 20 scol por keda renoba pa un suma maximo di 60 miyon florin, un averahe di dos miyon florin pa renobacion di cada scol.
Si mester renoba otro 40 scol, esaki ta bay rekeri 80 miyon florin. Gobierno Hulandes a priminti 30 miyon euro. Segun Van Heydoorn, ta crucial pa evalua cua scolnan tin mester di renobacion y cua no.
Tambe ta nota cu no tur scol ta rekeri mantencion mayor. Scolnan den bon condicion ta bay ricibi mantencion for di e presupuesto regular di gobierno di Corsou. Hasta a entrega un solicitud pa financia e grupo di trabao pa mehora facilidadnan deportivo pa scolnan.
