(CuraçaoChronicle) – E refineria, cual actualmente ta yama 2BAYS, y e terminal di petroleo na Corsou a ser otorga un permiso di tolerancia temporario pa e Ministerio di Salud, Ambiente y Naturalesa.
E medida aki a keda implementa despues cu e permiso di estorbo, cu a otorga y tin desde 1997 den efecto, a caduca dia 31 di december di 2024.
E companianan a entrega aplicacion pa e permisonan nobo na tempo, sinembargo e aplicacionnan aki te ainda no a keda completamente evalua.
E Ministerio a splica cu e aplicacionnan ta compleho y e deadline den statuut ta haci cu ta imposibel pa aproba e permisonan rapidamente. Como resultado di esaki, e decision a keda tuma pa extende e tempo di proceso cu 3 luna pa e terminal y 6 luna pa e refineria mes. Esaki lo permiti e operacionnan sigui temporariamente sin un permiso oficial.
Mientras cu e proceso pa e permiso ta cana, e companianan a haci acuerdonan significante cu partnernan internacional tocante e produccion y maneho. Esaki ta inclui produccion di asfalt y exportacion di 2BAYS, ademas di e operacionnan na e terminal di Bullenbaai.
E Ministerio a declara cu esaki ta un situacion excepcional, unda cu e permiso di tolerancia ta necesario pa garantisa e continuidad di e negoshi. Sinembargo, e gobierno a enfatisa cu esaki no ta un practica regular y un evaluacion cauteloso di e permisonan nobo ta keda un prioridad.
