Sindicato di trahadonan den cuido medico na Corsou CBV Johnsel Djaoen ta pendiente pa reuni cu minister di GMN riba palabracionnan haci. For di e momento cu e mandatario a sinta for di e prome siman a pidi reunion cu ne y te awe no a haña un reunion cu e mandatario.
E reunion ta pasa den ki direccion lo kier bay of si tur cos ta bay keda mes un cos. Loke ta importante pa CBV ta pa sa kico ta e pensamento di e mandatario con e la bin ta haña e situacion di e mundo medico na Corsou y kico ta loke ta bay ta su maneho pa cu esaki pa por cana e trayecto.
Segun Sindicato di trahadonan den cuido medico na Corsou CBV Johnsel Djaoen area di zorg pa loke ta trata enfermeria y cuido no tin espacio pa recorte nos sa cu pais Corsou ta pasando den situacionnan cu no ta apropia y ta kere cu e inteligencia di un gobierno ta pa salvaguardia locual ta basico di su pais cu ta enseñansa y cuido y loke cu mester ta bon cla cu sin nan ningun otro cartera ta importante.
Sindicato di trahadonan den cuido medico na Corsou CBV Johnsel Djaoen ta kere pa sali di un situacion pa conforma bo mes of laga otronan conforma bo ta scoge e caminda mas facil. Nos ta un pueblo cu a custuma ta paga pa locual cu ta su servicionan medico y ta verwacht na e momentonan aki e necesidad cu tin gobierno ta cumpli cu ne.
No ta un secreto cu pais Corsou ta pasando bao di situacionnan y nos mester a anticipa for di tempran ta con nos ta bay dal e stap nan y no bula dal stapnan caminda awor aki nos tur ta carga e consecuencia. Sindicato CBV ta kere cu e gobierno actual mester a siña di tur locual a pasa. Loke cu tambe a tuma nota di dje cu ta mira cambio di nombernan, cambio di conceptonan di ley , e unico cos como sindicato ta spera cu nos como pais ta keda sirbi debidamente for di trayecto cu ta cana.
Loke cu tambe CBV ta desea pa sa mas riba e protocolnan di salubridad pa asina cuida esunnan cu ta frontline den cuido di otro hende. Segun Sindicato di trahadonan den cuido medico na Corsou CBV Johnsel Djaoen e protocolnan cu tin cu a wordo sirbi ta pa tur hende cumpli cu nan pa asina esunnan como frontliner mendiga ta contagia, pero si mester mira practicamente rond mundo esnan cu ta frontliner ta hende nan cu e keda contagia y nos tin cu wak con mester bay deal cu e situacion aki mas miho den nos situacion na Corsou.
Nos pais ta chikito y nos a custuma di biba familiar, biba cu tur hende, pero a bira e ora cu cada un di nos tin cu baha y cuida otro y duna e ehempel paso esey ta cuminsa na bo mes. Si bo mes por cuida bo mes bo por cuida e sobra , ban pone atencion y ban ta hunto den e situacion aki pa asina Corsou por sali hopi mas lihe di e situacion aki cu e pandemia aki a trece pa mundo henter y Corsou no ta un excepcion. Loke cu e pandemia a bin cu ne e la bin cu un mensahe tambe unda cu nos mester bay haci cosnan diferente y laga nos hunto busca e diferencia.
Loke cu ta sosodiendo na e momentonan aki ta cu e economia ta prome cu tur cos y loke cu ya caba mi a indica ta cu sin educacion e economia no lo bay prevalece. Na e momentonan aki tur hende ta mustra cu nan ta depende di e parti finansiero pero nos mester bira mas creativo . Tur hende mester bay custuma di tene distancia y hygena ta un cos cu tur hende mester tene semper pero awor aki e ta wordo asentua y laga na nos ban wak con e aña lo sera cu sigur ta bay ta un fin di aña hopi diferente na Korsou.
