(CuraçaoChronicle) – E organisacionan den colaboracion cu ta boga pa bienestar di bestianan lo presenta un peticion na minister Gilmar Pisas riba diamars, unda lo urgi pa preveni e asesinato en masse di e bestianan cu ta biba riba caya.
Despues di yamadonan recientemente haci pa Dierenbescherming (Animal Protection) pa recluta persona pa gara cachonan riba caya, e organisacion Hulandes House of Animals (HoA) a inicia e peticion aki. HoA, conhuntamente cu e varios fundacion local, tin varios aña ta boga pa bienestar di bestia na Corsou.
E fundacion di proteccion di animal na corsou anteriormente a declara cu nan tabata ser forsa pa gara y eutanisa bestianan di caya a causa di falta di espacio den shelter. Sinembargo, HoA a argumenta cu mata e bestianan aki ta legalmente prohibi y no ta productivo.
Organisacionnan local manera Rescue Paws Curaçao, Dierenhulp curacao, Feed Friends Foundation, DOG Foundation, TES Foundation y Kitten Rescue Curaçao a uni na HoA su iniciativa. Nan tin tempo ta boga pa e metodo conoci como TNRC; Trap (captura), Neuter (sterilisa), Return (debolbe), Care (provee cuido). Segun e organisacionnan aki, esaki ta e unico manera cu por maneha e poblacion di bestianan riba caya efectivamente.
E peticion a genera mas di 11,000 firma y lo keda presenta tambe na Tweede Kamer di Den Haag. E texto di e peticion ta pidi pa trece un fin na e asesinato di bestianan di caya na Corsou y ta urgi pa cumpli cu ley.
