(CuraçaoChronicle) – Hulanda y e paisnan den Caribe manera Corsou, Aruba y Sint Maarten no a yega un acuerdo ainda riba converti e sosten cu a ricibi pa coronavirus -y cu ta den caduca- den prestamonan di termino largo.
Dialogo oficial riba terminonan manera duracion, interes y schedule pa bolbe paga no a yega na un resultado te ainda. Preocupacionnan ta creciendo na Den Haag tocante actitud di e gobiernonan den paisnan CAS, cual ta stroba e progreso.
Gabinete Wever-Croes na Aruba a nenga di colabora riba establecimento di un acta di Reino pa supervision financiero, apesar di comentarionan anterior. E gobiernonan na Willemstad y Philipsburg tambe ta ser percibi como demasiado pasivo den e preparacion di e momento cu Ennia su fondo di pension caba. E negociante y doño di e compania Ansary a horta y laba e placa di e compania di seguro. Aunke Ansary a ricibi ordo di bolbe paga 1 biyon, tin un apelacion na caminda den juni, cual ta pone duda riba e hecho si Ennia lo recupera cualkier fondo.
Reportahenan den media ta sugeri cu Secretario di Estado pa Relacionnan di Reino Van Huffelen a conecta un acuerdo riba extende prestamo di coronavirus na supervision financiero na Aruba y concerniendo e caso di Ennia na Corsou y Sint Maarten.
Loke ta sgur ta cu, aunke yega na interes faborabel, e lo tuma varios decada pa bolbe paga e prestamonan. E nacionnan Caribense su deseo di yega na un pordon parcial di e prestamo no ta mustra hopi probabilidad di tuma luga.
